| e-texts navigator |
| བོད་ཡིག |
140b1 nyi ma bdun gyis gang 'dod pa the tshom med par 'gugs so/ /de nas smyo bar bya bar 'dod na/ bya rgod chen po'i tshang dang / sha chen bsregs na smyo bar 'gyur ro/ /de phub ma'i me la bsregs na bde legs su 'gyur
140b2 ro/ /de nas nor nor ma yin par bya bar 'dod na/ ras bal gyi me la d+ha du ra'i 'bras bu bcas par mtshan mo yi ge bcu pa'i sngags brgya rtsa brgyad sbyin sreg byas na shin du chud zos par 'gyur ro/ /a ru ra
140b3 bsregs na slar rdzas de nyid du 'gyur ro/ /rje btsun gyi mdun du sha chen chang dang bcas pa zla ba drug tu mtshan mo sbyin sreg brgya rtsa brgyad byas na yul thams cad kyi bdag por 'gyur ro/ /ba lang gi sha dang khrag tu
140b4 bcas par gang gi ming dang bcas par sbyin sreg stong byas na de ji srid 'tsho'i bar du bran du gnas par the tshom med do/ /khyi sha rdo rje'i chu dang bcas par skyes pa'i bdag nyid kyis mtshan mo gang gi ming
140b5 dang bcas par sbyin sreg brgya rtsa brgyad byas na bdag nyid kyi nor dang bcas pa dbang du 'gyur ro/ /rta'i sha rnam par snang mdzad dang bcas pa gshin rje'i gshed kyi sngags kyis sbyin sreg brgya rtsa brgyad gnas gcig
140b6 tu gnas la/ mtshan mo rgyal po la dmigs nas byas na zhag bdun gyis 'khor dang bcas pa dbang du 'gyur ro/ /glang po'i sha khu ba dang bcas pas mi'i 'jig rten kun la dmigs la yi ge bcu pa'i sngags kyis
140b7 mtshan mo sbyin sreg stong byas na zhag bdun gyis dbang du 'gyur ro/ /nya dang sha dang chang dang bcas pas 'jigs pa med par yi ge bcu pa'i sngags kyis sbyin sreg brgya rtsa brgyad byas na bud med thams cad dbang
140b8 du 'gyur ro/ /de nas bskrad par 'dod na/ bya rog gi sha ma 'dres par yi ge bcu pa'i sngags kyis gang gi ming dang bcas par sbyin sreg stong byas na nyi ma bdun gyis rdo rje 'dzin pa lta bu yang rab tu 'bros na
iiif viewer powered by OpenSeadragon
Texts on this page
J447 - dpal rdo rje 'jigs byed kyi chen po'i rgyud ces bya ba