rKTs

e-texts navigator

Volume

Page

140a₁ pa byas la kha byang du bltas te las kyi rjes su 'brang ba'i sbyor ba dmigs nas/ gang gi ming dang bcas par sbyin sreg byas na/ de nyi ma bdun gyis rengs par 'gyur ro/ /de nas grong bskrad par 'dod na/
140a₂ nim pa'i shing la me rab tu sbar la/ khyi'i sha dang sbal ba'i sha dang khyim bya'i sha dang rnga mo'i rtug pa dang byi la'i khrag gcig tu sbrus la/ gshin rje'i sbyor ba la gnas pas/ grong gi ming dang bcas par yi ge
140a₃ bcu pa'i sngags kyis rlung gi dkyil 'khor gyi dbus su sbyin sreg stong phrag bcu byas na grong skrod par 'gyur ro/ /las de rnams ni shin du yang mnyam par bzhag pas bya ste/ gzhan du na sngags pa rang nyid
140a₄ la 'bab par 'gyur ro/ /gzhan gang la yang mi bstan no/ /de nas bu mo rengs par 'dod na/ tsher ma dang / dug dang / ske tshe dang bcas par rang gi khrag gis sbrus nas/ yi ge bcu pa'i sngags dang bcas par
140a₅ gyur cig ces dur khrod kyi me la sbyin sreg stong byas na rengs pa las gzhan ma yin no/ /de nas zhi bar bya bar 'dod na mar dang sbrang rtsi dang 'o ma dang dUr ba dang bcas par pa la sha'i shing la me rab tu sbar na zhi bar
140a₆ 'dod par dmigs nas yul gyi shar phyogs su kha bltas te gnas pas dus gsum du sbyin sreg stong rtsa brgyad byas na des yul zhi bar byas par 'gyur ro/ /de nas rgyas par 'dod na til dang 'bras dang nas dang /
140a₇ mar dang bcas pas u dum wa ra'i shing la me rab tu sbar na las kyi rjes su 'brang ba'i lha'i sbyor ba dmigs te/ kha byang du bltas nas mnyam par bzhag pas yi ge bcu pa'i sngags kyis dus gsum du sbyin sreg
140a₈ stong byas na rgyas par 'gyur ro/ /de nas dgug par 'dod na ske tshes gzugs brnyan byas la/ de nas seng ldeng gi me'i dbus su gshin rje'i sngags kyis brgya rtsa brgyad du bsregs na ma grub pa yang 'grub par 'gyur ro/ /

_{iiif viewer powered by OpenSeadragon}

139b - 140b

Texts on this page