| e-texts navigator |
| བོད་ཡིག |
137a1 gshegs pa rnams dang byang chub sems dpa' dang rig pa'i lha mo dang khro bo la sogs pa shin du bskul te/ yang 'ongs nas nyi ma'i dkyil 'khor la bzhugs par bsam mo/ /de nas yang 'jam
137a2 dpal dang de bzhin gshegs pa la sogs pa de rnams gcig tu gyur nas/ nyi ma'i dkyil 'khor du bsam par bya'o/ /'od zer 'bar ba'i rnam pas dpag tshad stong phrag brgyar khyab par gsal bar bya'o/ /de'i
137a3 steng du hU~M mdog nag po 'od zer lnga dang yang dag par ldan par bsam ste/ hU~M de las 'od zer gyi rnam par 'phros pas/ sngon du gsungs pa bzhin du yang zhugs te/ yi ge de las rdo rje chen po rnam par gdengs pa kha dog nag
137a4 po 'od zer lnga dang ldan pa rnam par dmigs par bya ste/ rdo rje de las phra mo'i rnam pa sangs rgyas dang byang chub sems dpa' dang khro bo dang rig pa'i lha mos nam mkha' til gyi gang bu ltar gang ba nyi ma la gnas pa rnam par
137a5 bsam par bya'o/ /de sangs rgyas la sogs pa rnams kyis ni sems can yongs su smin par btul nas byang chub la rab tu bkod de/ yang de nyid lhan cig tu bsdus nas rdo rje'i gzugs brnyan la rab tu zhugs par bsam
137a6 mo/ /rdo rje'i gzugs de nyid zhal dgu pa/ ma he'i gdong can 'jig pa'i dus kyi me ltar 'bar ba'i rdo rje 'jigs byed chen po khams gsum za bar nus pa/ zhal gtsigs pa/ ha ha zhes ljags 'dril ba/
137a7 rnam par gtsigs pa'i khro gnyer 'jigs pa/ khro gnyer gyi 'gram nas smin ma dang spyan 'jigs pa chen po'i dus ltar khro ba sgra sgrogs pa/ mi'i khrag dang tshil dang zhag dang rkang za ba/ 'jig rten dang 'jig rten las
137a8 'das pa'i lha la sogs pa la bsdigs mdzub byed pa/ brgya byin dang tshangs pa dang dbang phyug chen po dang khyab 'jug dang gnod sbyin la sogs pa za ba/ thod pa gtsigs pa'i rtse mo 'jigs su rung ba'i thod pas thod byas pa/
iiif viewer powered by OpenSeadragon
Texts on this page
J447 - dpal rdo rje 'jigs byed kyi chen po'i rgyud ces bya ba