rKTs

e-texts navigator

Volume

Page

135a₁ smyo bar 'gyur zhing zhag bdun gyis 'chi'o/ /de nas gzhan yang rab tu sbyor ba gsungs pa/ gshin rje'i sngags dur khrod kyi ras la dug la sogs pa'i rdzas kyis bris te/ mar me chen po dang rnam par snang mdzad kyi
135a₂ gzugs brnyan byas la/ de'i snying gar 'khor lo bcug nas pha'i gnas su song la ro bsregs pa'i me la mtshon rnon pos gtubs nas rnam par brtsegs pa'i sbyor bas rnal 'byor pa gnas pas/ rnam par snang mdzad
135a₃ kyis lus byugs te/ kha lhor bltas nas bsregs na de myur du 'chi'o/ /de nas dpral ba'i rab tu sbyor ba 'byung ba ni bya rog dang / 'ug pa'i rus pa blangs la de gnyis la lcags kyi tsher mas bsgrub bya'i ming dang lhan cig tu
135a₄ yi ge bcu pa'i sngags bris la/ gcig pu gnas su gnas te/ gang gi ming dang bcas par bzlas shing / de gcig la gcig brud na 'bral bar 'gyur ro/ /de nas gshin rje'i 'khor lo gro ga'i 'dab ma la bud med dang
135a₅ skyes pa'i ming bris nas sbal pa'i gsus par bcug nas/ gang gi ming dang bcas pa them pa'i 'og tu sbas na/ de'i yan lag mtshon gyis 'bugs par 'gyur ro/ /de nas bu mo rengs pa'i rab tu sbyor ba 'di/
135a₆ gshin rje'i sngags dur khrod kyi ras la dug la sogs pas bris la/ ro bsregs pa'i sol bas gzugs brnyan mtho gang tsam gyi tshad brtsigs la/ de'i snying gar 'khor lo bcug nas rkang pa g.yon pas mnan la/ ma he'i
135a₇ sbyor bas che ge mo'i bu mo myur bar rengs par gyur cig ces yi ge bcu pa'i sngags bzlas na rengs par 'gyur ro/ /'di'i las rnams ni gzhan su la yang smra bar mi bya'o/ /gal te sngags pa rmongs pa'i bdag
135a₈ nyid can gyis byed na dmyal bar nges par ltung ngo / /dkon mchog gsum la gnod par byed pa dang / bla ma la brnyas par byed pa dang / dam tshig dang bral ba dang / sngags dang bral ba dang / sngags dang rgyud la 'phya bar

_{iiif viewer powered by OpenSeadragon}

134b - 135b

Texts on this page