| e-texts navigator |
| བོད་ཡིག |
132a1 po bri'o/ /gal te mchog gi dngos grub 'dod na mar khu chen po'i mar me dbul lo/ /mi dang / bong bu dang / rnga mo dang / khyi dang / wa dang / ma he dang / glang po che dang / ba lang dang / ba men dang / lug dang / ri dgas dang / phag pa la sogs
132a2 pa'i sha rnams dbul bar bya'o/ /gzhan yang bya rgod dang / 'ug pa dang / bya rog dang / khra dang / chu skyar dang / mthing ril dang / bzhad dang / rma bya dang / khyim bya dang / ri skyegs dang / ltas nang chen po la sogs pa'i sha rnams dbul bar
132a3 bya'o/ /shin tu mnyam par gzhag pas bza' ba dang / ston mo dang / sbyin sreg dang / gtor ma'i las bya'o/ /dkyil 'khor gyi grwa thams cad du khrag gis chag chag bya'o/ /dpal rdo rje 'jigs byed ma he'i gdong gi sbyor ba la
132a4 gnas pas lha bshos thams cad dbul bar bya'o/ /de nas sngags pas sngon du spyad pa byas te/ bdag zhi bar gyur pa'i shin tu mthun pa'i grogs sam/ bdag gcig pu rnam par snang mdzad kyis lus byugs te gcer bur phud
132a5 nas skra bsil/ mtshan phyed nas cang te'u dkrol la ha ha zhes bya zhing mnyam par gzhag ste/ rdo rje 'jigs byed chen po'i dkyil 'khor du dngos grub 'dod pas 'jug par bya'o/ /rab tu zhim pa'i chang la sogs pa btung ba dang /
132a6 bza' ba'i ro rnams dbul lo phyi nas dngos grub dang / dngos grub ma yin pa la dmigs la de'i steng du dpal rdo rje 'jigs byed chen po ma he'i gdong can bsam par bya'o/ /de'i mdun du g.yas bskum du gnas la nga rgyal
132a7 dang bcas pas sems rtse gcig tu shin du mnyam par bzhag pas yi ge bcu pa'i sngags bzla bar bya'o/ /de nas 'jigs pa chen po byung na/ de la sngags pas 'jigs par mi bya ste/ gal te 'jigs par gyur na/
132a8 de la bgegs chen po'i bar chod 'byung ngo / /bar chad byung na dngos grub mi 'grub bo/ /de bas na sngags pas 'jigs par mi bya ste/ de la dpal rdo rje 'jigs byed chen po dgyes so/ /dgyes nas khyod ci 'dod ces
iiif viewer powered by OpenSeadragon
Texts on this page
J447 - dpal rdo rje 'jigs byed kyi chen po'i rgyud ces bya ba