rKTs

e-texts navigator

Volume

Page

101b₁ brjod do/ /de ci'i phyir zhe na/ de bzhin gshegs pa thams cad dang / byang chub sems dpa' thams cad kyi ston pa yin pa dang / bcom ldan 'das rdo rje 'chang de nyid ni sangs rgyas dang byang chub sems dpa' thams cad kyi bdag po yin pa'i phyir ro/ /
101b₂ de nas byang chub sems dpa' de dag gis de bzhin gshegs pa de dag la 'di skad ces gsol to/ /bcom ldan 'das de bzhin gshegs pa thams cad kyi rdo rje'i sku dang gsung dang thugs kyi dngos grub gang la gnas/ de bzhin gshegs
101b₃ pa thams cad kyis bka' stsal pa/ rdo rje'i sku dang gsung dang thugs kyi gsang ba gsum ni rdo rje slob dpon gyi lus dang ngag dang yid la gnas so/ /byang chub sems dpa' thams cad kyis gsol pa/ rdo rje slob dpon gyi lus dang
101b₄ ngag dang sems kyi gsang ba gang la gnas/ nam mkha' la gnas/ nam mkha' gang la gnas/ rdo rje slob dpon gyi sems la gnas/ sems gang la gnas/ gang du yang ma yin no/ /de nas byang chub sems dpa' sems dpa' chen po de dag ngo mtshar du
101b₅ gyur nas cang mi zer bar 'khod do/ /dkyil 'khor dang / ting nge 'dzin dang / phyag rgya dang stang stabs dang / 'dug stangs dang / bzlas brjod dang / sbyin sreg dang / mchod pa dang las la sbyar ba dang slar bsdu ba rnams ni gsang sngags kyi tshul de kho na nyid bcu
101b₆ yin par gsungs so/ /dus gsum du 'byung ba'i rgyal ba thugs rje'i ro gcig pa rnams kyi gsang ba dang gsang chen dang ye shes rnam pa gsum gyi snying po bstan pa dag ni slob dpon gyi kha nas bla ma la gus pa'i slob mas shes
101b₇ par bya'o/ /bla mas dam tshig ci ltar lta ba bzhin gyi dbang du byas nas bshad par bya'o/ /bsgrims nas sems can rnams la rnal 'byor dang / rnal 'byor chen po dang / lhag pa'i rnal 'byor rnams go rims bzhin bshad par bya'o/ /
101b₈ 'di mtha' dag ni rgyud thams cad kyi spyir shes par bya'o/ /de kho na nyid kyi dngos po mtha' dag yongs su mi shes par gsang sngags smra ba nga yin no zhes mngon pa'i nga rgyal gyis gsang sngags kyi cho ga 'chad par byed na dam tshig thams cad

_{iiif viewer powered by OpenSeadragon}

101a - 102a

Texts on this page