| e-texts navigator |
| བོད་ཡིག |
101a1 slob dpon 'di gnyis gnyis su byar med pa'i phyir zhes bya ba'i bar nas rigs kyi bu mdor bsdus nas yang bshad par bya'o/ /phyogs bcu'i 'jig rten gyi khams na sangs rgyas dang byang chub sems dpa' bzhugs shing gzhes
101a2 pa'i bar de dag thams cad dus gsum du byon nas/ slob dpon la de bzhin gshegs pa thams cad kyis mchod pas mngon par mchod nas 'di skad ces bdag cag de bzhin gshegs pa thams cad kyi pha yin no/ /bdag cag de bzhin
101a3 gshegs pa thams cad kyi ma yin no/ /bdag cag de bzhin gshegs pa thams cad kyi ston pa yin no/ /zhes rdo rje'i yi ge gsum phyung ba nas slar yang rang rang gi sangs rgyas kyi zhing du gshegs par 'gyur ro/ /rigs kyi bu
101a4 d per na sangs rgyas bcom ldan 'das phyogs bcu na bzhugs pa'i bar de dag gis sangs rgyas bcom ldan 'das rnams kyi rdo rje'i sku dang gsung dang thugs kyi bsod nams kyi phung po bas ni rdo rje slob dpon de'i spu'i khung bu
101a5 gcig gi bsod nams kyi phung po ches khyad par du 'phags so/ /de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes kyi snying por gyur pa'i bar nas thams cad mkhyen pa'i ye shes kyi 'byung gnas
101a6 yin no/ /de nas byang chub sems dpa' sems dpa' chen po byams pa 'jigs shing skrag pa'i yid kyis cang mi smra bar gyur to/ /de nas yang de bzhin gshegs pa mi 'khrugs pa dang / rin chen 'byung gnas dang / don
101a7 yod grub pa dang / de bzhin gshegs pa 'od dpag med dang / de bzhin gshegs pa rnam par snang mdzad rnams rdo rje 'chang thams cad kyi dngos grub kyi dam tshig la dmigs pa'i rdo rje zhes bya ba'i ting nge 'dzin la snyoms par zhugs nas/
101a8 byang chub sems dpa' de dag la bos nas shes ldan byang chub sems dpa' thams cad nyon cig /phyogs bcu dus gsum du byung ba'i sangs rgyas bcom ldan 'das rnams rdo rje slob dpon gyi drung du byon nas mchod par mdzad cing phyag 'tshal bar
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba