rKTs

e-texts navigator

Volume

Page

7b₁ du mi bsam mo/ /ye shes dkyil 'khor yang dag sbyor/ /de yi steng du rnam bsgom bya/ /khro bo'i rnam pa yang dag bskyed/ /'od zer yang dag sbyor ba bsgom/ /der ni 'od zer 'dus rnams su/ /rdo rje sems dpa' rnam bsgom bya/ /
7b₂ cho ga shes pas der rang gzugs/ /dbus su yang dag gzhag bsgom bya/ /bcom ldan 'das dam tshig rdo rjes de skad ces gsungs so/ /oM sarba ta thA ga ta dz+nyA na swa b+hA ba Ad ma kou0f85ha~M/ gsang sngags rgyal po 'di yis ni/ /rang gi
7b₃ rnam rtog yongs dor bya/ /rang gzugs hU~M yig ces brjod pa/ /byas na kun du rnam bsgom bya/ /cho ga shes pas de rnams su'ang / /ha yig mthar thug rnam bsam bya/ /rang gzugs la sogs mtshungs pa'i 'od/ /lha
7b₄ de skad cig de la 'gyur/ /gsal ba'i dkyil 'khor yang dag sbyor/ /snying gar de la rnam bsam bya/ /cho ga shes pas gsang sngags yig /cho ga mthong bas bsgom par bya/ /bcom ldan 'das dam tshig rdo rjes de skad ces gsungs
7b₅ so/ /gnas lngar yang dag sbyar bya ba/ /rtse mo lnga ru rnam bsgom bya/ /sngags kyi yi ge thams cad du/ /rdo rje sems dpa' rnam bsgom bya/ /sangs rgyas gzugs ni rnam bsgoms pas/ /cho ga shes pas spro bar bya/ /bcom ldan 'das de
7b₆ bzhin gshegs pa thams cad kyi sras kyi gtso bos de skad ces gsungs so/ /rang gzugs sems dpa'i tshul gyis ni/ /sems dpa'i mtshan mar bsgom par bya/ /sangs rgyas zhing rnams kun du ni/ /cho ga shes pas spro bar
7b₇ bya/ /rang gzugs sems dpa'i tshul gyis ni/ /lha yi snying gar bsgom par bya/ /sangs rgyas gzugs de dbyung bar bya/ /'jig rten khams 'dir spro bar bya/ /rang gzugs ye shes zhes brjod pa/ /'bar ba'i phreng bas rnam par
7b₈ brgyan/ /byang chub sems su de phyung nas/ /'jig rten khams su 'di spro bya/ /rang gi gzugs zhes brjod pa ni/ /'bar ba'i phreng ba mnyam pa'i 'od/ /rang gi gzugs kyi 'od zer gyis/ /zhing 'dir khyab par rnam bsgom bya/ /

_{iiif viewer powered by OpenSeadragon}

7a - 8a

Texts on this page