| e-texts navigator |
| བོད་ཡིག |
5a1 gzhag bya ste/ /rdo rje sems dpa' rnam bsgom bya/ /zhes bcom ldan 'das rdo rje sems dpas gsungs so/ /cho ga shes pas gzugs bcu drug /kha dog bzhir ni rnam bsam bya/ /snying ga rnams dang
5a2 thams cad du/ /lha rnams de la bsgom par bya/ /zhes bcom ldan 'das rdo rje 'chang gis gsungs so/ /rang gi gzugs la bgegs 'joms par/ /sems la brtan par bsgom par bya/ /hU~M yig dbugs las
5a3 phyung nas ni/ /'od zer rnam par rab tu gzhug ces bcom ldan 'das de bzhin gshegs pa thams cad kyis gsungs so/ /rang gzugs la sogs mtshungs pa'i 'od/ /lha ru skad cig de 'gyur ro/ /yi ge rnams
5a4 kyi tshad kyis ni/ /wa yi gzugs ni rnam bsgom bya/ /sngags pas dbus su yi ge nyid/ /byin nas las ni kun du brtsam/ /sngags pas dpral ba'i steng nas ni/ /ji srid lte ba zhes par dran/ /gnyis su med pa
5a5 mnyam pa nyid rnam par rgyal ba'i rtog pa chen po las rnam par 'god pa'i le'u dang po rdzogs s+ho/ / // shing rta'i 'khor lo'i tshad du ni/ /pad ma chen po rnam bsgom bya/ /nyi ma'i dkyil 'khor dbus gnas
5a6 par/ /pad ma'i chu ba de rnam bsgom/ /las kyi rdo rje yang dag bskyed/ /rang gzugs de la bsgom par bya/ /las kyi rdo rje rab bsgoms pas/ /rdo rje sems dpa' mnyam par 'gyur/ /zhes bcom ldan 'das rdo rje
5a7 sems dpas gsungs so/ /'o ma dang zho byas nas ni/ /dbus su pad ma rnam par bsgom/ /rang gzugs sangs rgyas ltar byas nas/ /mkhas pas rang gzugs rnam bsgom bya/ /nam mkha'i khams ni kun bkang ste/ /
5a8 slar yang de nyid sbyar bya ste/ /'o ma dang zho mnyam byas nas/ /sna tshogs kha dog mnyam pa'i 'od/ /zla ba'i dkyil 'khor tshul gyis ni/ /nyi ma'i dkyil 'khor bsgom pa ni/ /rang gzugs sangs rgyas mtshungs pa ni/ /
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po