| e-texts navigator |
| བོད་ཡིག |
38b1 dkyil 'khor dgod/ /chos kyi dbang phyug gzugs bsgoms nas/ /phyi nas bya ba yang dag brtsam/ /sgron ma 'byung ba zhes bya ba bcom ldan 'das 'dod pa'i mchod pa'i ting nge 'dzin rdzogs s+ho// //
38b2 yang na brtul zhugs can gyis ni/ /bsdu ba yi sangs rgyas gzugs bsgom bya/ /gtsug tor sngags dang khro bo dang / /rig pa'i rgyal po rigs bcas pas/ /las rnams thams cad pa yi sngags/ /go rims bzhin du
38b3 de bzlas bya/ /dbus su bdag po bsgoms nas ni/ /ngos su lha rnams dgod par bya/ /snying po sbyor ba de rnams su/ /zla ba'i dkyil 'khor bsgom par bya/ /sngags kyi yi ge mchod bsgoms nas/ /de yis rnam pa
38b4 rnam bsgoms pa/ /thams cad kyi ni lag par ni/ /rdo rje 'khor lo pad ma bsgom/ /mdung dang yid bzhin nor bu yang / /bsgoms nas myur du sgrub par byed/ /sngags pas rang sngags bzlas bya ste/ /zla ba'i dkyil 'khor
38b5 pa yis/ /ngos su zla ba yang dag sbyor/ /dbus su ser po rnam bsgom bya/ /bsdus te gong bu'i tshul gyis ni/ /rang gi lus la dgod par bya/ /sangs rgyas thams cad rab bskul bas/ /'di ni rengs par byed pa'i
38b6 mchog / dus rnams kun du rnam bsgoms nas/ /nges par bskal par de gnas 'gyur/ /cho ga shes pas mi bskyod sogs/ /nyi ma'i dkyil 'khor la dgod bya/ /rigs kyi dbang phyug rnam bsgoms nas/ /
38b7 zla ba'i dkyil 'khor dgod pa ni/ /thog ma tha mar bsam gtan 'di/ /bzhi yi dbus su bsam par bya/ /de yis sangs rgyas nyid sgrub na/ /yun mi ring bar sangs rgyas 'gyur/ /de yi rang gi sngags kyi mchog /
38b8 phyag rgya shes nas sgrub pa po/ /cho ga shes pas bskyed par bya/ /myur du 'grub byed gzhan du min/ /phyag rgya chen por rab bsgoms nas/ /nam mkha'i lam gyi dbus las ni/ /dbus su nyi ma dang mtshungs pa'i/ /dkyil
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po