| e-texts navigator |
| བོད་ཡིག |
302a1 chos nyid skye ba med pa'i don dang / ldan zhing 'khor ba khrag zhag dang 'dra ba la thugs rjes gzigs pa'i phyir zhag gi zo ris kyis sku la brgyan pa/ theg pa chen po'i dbang gis thams cad 'dul ba'i phyir
302a2 thal chen gyi tshom bus sku la brgyan pa/ chos nyid skye ba med pa'i don dang ldan zhing nor bu 'bar bas cha byad du snang ste/ dbu skra sngo nag la ral pa'i cod pan gyis bcings pa/ zhabs g.yas pa brjid pa'i tshul gyis
302a3 bskum nas gnas pa/ zhabs g.yon pa drag po'i tshul gyis bsgrad nas gnas pas srog la rngam pa'i srin po pho mo brdzis pa/ phyag g.yas pa na rdo rje rtse lnga pa brdeg pa'i tshul du 'dzin pa/ g.yon pa na bsdigs
302a4 pa'i mdzub mo phyar ba dag tu snang ba zhes rgya gram dang / ral gri 'bar bas yan lag bzhi la las kyi byed pa por dbang bskur ro/ /dam rdzas bdud rtsi rnam pa lngas dbang bskur nas phrin las thams cad kyi byed pa
302a5 por dbang bskur te/ de yang gnyis su med pa'i rol pas so/ /dpal rdo rje gtum po thugs gsang ba'i rgyud las de bzhin gshegs pa thams cad kyis 'bar ba'i khro bo la dbang bskur ba'i le'u ste drug pa'o// // de nas dpal rdo rje gtum po lag na rdo rjes
302a6 sdigs mdzub ni bsgreng / rdo rje ni spar nas 'bar ba'i khro bo'i lta bas kun du bltas te/ spyan ni bzlog /zhal ni bgrad nas zhal nas rngam pa'i sgra skad ni ha ha/ hU~M hU~M/ a la la/ a~M` a~M`/ d+hi d+hi/ ho ho/ zhes byin pa'i brlabs las phrag pa gnyis rab tu 'bar
302a7 te/ rdo rje khro bo dkar ba/ rnam par dkar ba dag mtha' yas pa 'thon to/ /dpral ba rnam par 'bar ba las khro bo mthing ga sna tshogs pa 'thon to/ /mgrin pa rab tu 'bar ba las khro bo dmar po rnam par dmar ba dag 'thon to/ /thugs
302a8 ka rab tu 'bar ba las rdo rje khro bo nag po rab tu 'bar ba sna tshogs pa 'thon to/ /sku lte ba rab tu 'bar ba las rdo rje khro bo ljang gu rab tu 'bar ba dag 'thon to/ /'bar
iiif viewer powered by OpenSeadragon
Texts on this page
J436 - dpal rdo rje gtum po thugs gsang ba'i rgyud dpal gtum po