| e-texts navigator |
| བོད་ཡིག |
2b1 gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po ston to/ /rdo rje'i spyod pa mngon par brtson pa zhes bya ba'i de bzhin gshegs pa thams cad kyang bcom ldan 'das phyag na rdo rje de nyid kyi phyogs
2b2 bcu rnams su de bzhin no/ /de bzhin du yon tan khyad par du 'phags pa'i rdzu 'phrul dang / de bzhin du yon tan dang ldan pa'i 'khor gyi dkyil 'khor dang thabs gcig tu phyogs bcur bzhugs so/ /'di lta ste/ yang stong
2b3 gsum gyi stong chen po zhes bya ba'i 'jig rten gyi khams rnams mkha' snang gi 'od zer gyis g.yogs par gyur to/ /nyi ma'i dkyil 'khor thams cad kyi 'od zer gyis lhan cig pa dang 'thun pa tsam du yang mi bzod pa'i
2b4 'od zer du byas pa de lta kho nar de bzhin gshegs pa thams cad kyi 'od rdo rje sems dpa'i 'od kyis mog mog por gyur nas kun du gnas so/ /de nas bcom ldan 'das de bzhin gshegs pa thams cad phyag na rdo rje la byang
2b5 chub sems dpa' dang / de bzhin gshegs pa thams cad mchod pa'i sprin rnams kyis yang dag par mchod de/ kun du bzang po zhes bya ba bskyed de cang mi gsung ba'i rnam par gnas par gyur to/ /de nas kun du bzang po
2b6 r do rje 'chang chen po byang chub sems dpa' thams cad kyi rang gi thugs la bzhag nas ye shes kyi rigs de bskyed pa gsang chen dang bcas pa de bzhin gshegs pa thams cad kyi gsang ba gsal bar byed pa'i rgyu rang gi ting nge 'dzin
2b7 la snyoms par zhugs te/ ye shes kyi rigs rang gi ting nge 'dzin ston to/ /logs bzhi pa la zur bzhi pa/ /rin chen bzhi dang yang dag ldan/ /'o ma zho ni kun bkram par/ /byas nas bsam gtan yang dag brtsam/ /
2b8 de yi dbus su pad ma che/ /shel dang zla ba mnyam pa'i 'od/ /gsal ba'i dkyil 'khor yang dag ldan/ /dkyil 'khor rgyun du bsgom par bya/ /'bar ba 'dus pa de rnams su/ /sangs rgyas gzugs ni rnam par
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po