| e-texts navigator |
| བོད་ཡིག |
296b1 pa'i nang du sman sna tshogs blugs nas ras dkar pos kha bkab par byas te/ gsang sngags kyi rgyal po mang du brjod nas phyis bum pa la dngos grub blangs na ci 'dod pa 'grub bo/ /de ltar yang yang
296b2 byas pas tshe'i dngos grub thob par 'gyur ro/ /gal te mchog grub par 'dod pas sa 'am rin po che la phyag na rdo rje zhal gcig phyag gnyis pa gdan pad ma dang nyi ma la gnas par byas nas de rin
296b3 po che'i snod du bzhag la maN Dal dkar po khru gang ba byas pa'i steng du khri'u'i steng du bzhag la me tog dang gos dkar pos mchod cing tsan dan dkar po'i chus ci nus par mchod par byed cing / yang tshes
296b4 brgyad dang / bcu bzhi dang / bcwa lnga dang / gnam stong la de'i dus su smyung ba byas nas/ phyis ni brgyad stong gi grangs su gsang sngags 'don par byed cing rang nyid kyi spyi bor yi ge o~M` dkar po 'od dang ldan pas
296b5 bdud rtsi'i chu 'bebs par bsam pas khams gsum pa'i nad thams cad zad par bsam zhing slar rang nyid la rims kyis zhu bar byed pa ni rgyud las grub pa'i bsam gtan te/ 'di goms
296b6 pas gang dang gang 'dod pa thams cad 'grub cing khams gsum gyi dbang phyug tu 'gyur ro/ /gsang ba'i bdag po nga las nyon/ /'jig rten kun las rnam rgyal ba'i/ /sku ni sangs rgyas
296b7 kun bdag nyid/ /gang gis bgos par gyur pa las/ /ci 'dod rnyed par byed pa mchog /gal te rtog med de bral na/ /ye shes nyid ni bla na med/ /rgyal ba'i stobs kyis rtogs par byed/ /nyon mongs
296b8 kun las rgyal byed cing / /nad rnams thams cad zad byed cing / /gal te nad med nad bcas byed/ /dbang dang rengs dang dgug pa dang / /brgyal dang gsad dang dbang phyug dang / /zhi dang bsrung
iiif viewer powered by OpenSeadragon
Texts on this page
J435 - la na rdo rje gos sngon po can rdo rje gdengs pa'i rgyud khams gsum las rnam par rgyal ba zhes bya ba