| e-texts navigator |
| བོད་ཡིག |
281b1 slar gsol ba ni mthong lags so/ /ye shes spyod pa rdo rje che/ /bde bar gshegs pa mthong zhes gsol/ /de ltar yang dag gyur pa'o/ /de ltar sangs rgyas thams cad kun/ /rdo rje btsun mo'i b+ha ga las/ /mngon par
281b2 byung nas 'di skad gsol/ /gang du 'dod chags chen po yi/ /yi ge'i tshogs kyis sangs rgyas kyi/ /byang chub rjes su rtogs gyur gang / /de nas bcom ldan ngo mtshar to/ /bde bar gshegs pa ngo mtshar to/ /de
281b3 nas rigs kyi bdag po yis/ /gsang ba mchog tu bka' stsal pa/ /sangs rgyas byang chub sems dpa' kun/ /de skad ces ni ma zer cig /de nyid ci yi phyir zhe na/ /chos rnams nam mkha'i rdo rje'i gnas/ /
281b4 de nyid mtshungs phyir stong pa nyid/ /rab tu mi gnas bdag nyid las/ /chos rnams 'od gsal dbyings gyur pa/ /de nyid ye shes 'byung gnas gyur/ /de nas byang chub sems dpa' de dag dang / de bzhin
281b5 gshegs pa de dag thams cad cang mi gsung bar gyur to/ /de nas bcom ldan 'das de bzhin gshegs pa thams cad kyi sku dang gsung dang thugs rdo rje de bzhin gshegs pa thams cad kyi rnam par dag
281b6 pa'i mnyam pa nyid spyod pa rdo rje zhes bya ba'i ting nge 'dzin la snyoms par zhugs so/ /snyoms par zhugs nas kyang sangs rgyas dang byang chub sems dpa' dang / rig ma dang lha mo dang / khro bo'i rgyal po
281b7 du ma dang bcas pa'i dkyil 'khor gyi 'khor lo la bzhugs nas cang mi gsung bar gyur to/ /de nas bcom ldan 'das de bzhin gshegs pa rdo rje 'dzin pas de bzhin gshegs pa thams cad dang / byang chub
281b8 sems dpa' sems dpa' chen po thams cad la bka' stsal pa/ khyed rnams kyis phyogs bcu mtha' yas pa'i 'jig rten gyi khams thams cad du de bzhin gshegs pa thams cad kyi sku dang
iiif viewer powered by OpenSeadragon
Texts on this page
J431 - dpal de bzhin gshegs pa thams cad kyi gsang ba rnal 'byor chen po rnam par rgyal ba zhes bya ba mnyam pa nyid gnyis su med pa'i rgyud kyi rgyal po rdo rje dpal mchog chen po brtag pa dang po