| e-texts navigator |
| བོད་ཡིག |
26a1 phyag rgya chen po ni/ /bsgom bya gzhan du brtson mi bya/ /snying ga'i dbus son phra mo ni/ /dri med ye shes dkyil 'khor ni/ /gsal ba 'od dkar 'bar la sogs/ /chu yi rnam par dgod par bya/ /de la sngags kyi
26a2 yi ge'i tshig / dang po gsang ba rnam bsgom bya/ /rtse mo lnga pa rnam bsgoms nas/ /slar yang de nyid la sbyar bya/ /blo dang ldan pas gnas lnga ru/ /gzugs brnyan yang ni yang dag bskyed/ /de nyid yi ge'i tshul 'thun pas/ /bsam
26a3 gtan 'byung ba bsgom par bya/ /cho ga shes pas yig rnams kyi/ /phreng ba bskyed nas bsgom par bya/ /nas kyi tshad 'di thams cad du/ /bsam gtan 'byung ba bsgom par bya/ /rab tu 'bad pas 'og der ni/ /rtag tu nam mkha' gang bar
26a4 bya/ /de nyid sangs rgyas thams cad kyi/ /gang ba de la grags pa yin/ /yi ge gcig gi gsang sngags kyi/ /rang gzugs rnam par bsgom par bya/ /rigs kyi bdag po 'byung ba ni/ /yi ge gsum gyi rtag shes bya/ /yi ge lnga la sogs
26a5 gzung bas/ /ji srid yi ge 'byung ba'o/ /'od dkar 'bar ba'i phreng ba sogs/ /'bar ba'i phreng ba mnyam pa'i 'od/ /rigs kyi dbye bas las rnams kyi/ /thog ma tha ma 'di bya'o/ /ut+pal sngon po'i 'dab rnam par/ /in dra nI la
26a6 mtshungs pa'i 'od/ /'od zer 'bar 'khrugs gtso bo'i yum/ /yid kyis bsams pas 'grub par 'gyur/ /pad ma rA ga dbang mdog 'od/ /dmar po 'bar ba mtshungs pa'i 'od/ /'jig rten khams ni kun nas su/ /cho ga shes pas snang bar bya/ /
26a7 ge sar ser po dang mtshungs pa/ /ser po 'od zer 'bar la sogs/ /sgom pa'i go 'phangs kyis bsgom bya/ /the tshom med par bsgrub par bya/ /de nyid 'byung ba gang gsungs pa/ /rang gzugs yang dag bskyed nas ni/ /snying gar me
26a8 tog bsams nas ni/ /dkyil 'khor de la bsgom par bya/ /cho ga shes pas de'i steng du/ /snying po phyag rgya rnam bsgom bya/ /ji lta'i go 'phang kun bskyed nas/ /ye shes de nyid rnam bsgom bya/ /b+ha gar a yig nges phyung nas/ /
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po