| e-texts navigator |
| བོད་ཡིག |
25a1 kun du 'khrugs/ /shing rta'i 'khor lo'i tshad kyis ni/ /pad mas g.yogs par rnam bsgom bya/ /khro bo chen po gshin rje gshed/ /drag tu dgod pa chen po sogs/ /rtag tu de yi dkyil 'khor gyi/ /de yi gzugs ni rnam bsgoms nas/ /khro
25a2 chen khro gnyer rim par ldan/ /'bar ba'i phreng ba 'khrugs pa'i 'od/ /ji ltar rigs par kun bskyed nas/ /sgom par byed pa de der bshad/ /khro bo chen po dbyug pa sngo/ /'jig rten gsum 'jig 'phrog byed pa/ /sangs rgyas kun
25a3 gyi ye shes su/ /'joms pa po ni rab tu gnas/ /ji skad gsungs pa'i gzugs gsum gyis/ /nam mkha'i khams ni kun du gang / /yi ge'i gzugs ni kun bskyed nas/ /bdag nyid snying gar rnam bsam bya/ /snying ga'i
25a4 gzugs ni de rnams su/ /lha yi rnam par sgom par byed/ /slar ni sngags pas bsdu bar bya/ /de nyid la ni gzhug par bya/ /cho ga shes pas bskal pa'i mer/ /bsams nas bsam gtan yang dag brtsam/ /zla 'od lta
25a5 bur 'bar ba ni/ /btsun mo rtag tu bsgom par bya/ /lha nyid yang dag bskyed nas ni/ /de yi dbus su rnam bsgom bya/ /rang gzugs snying gar bsams nas ni/ /de yi dbus su rnam bsgom bya/ /rang gzugs snying gar bsams nas
25a6 ni/ /ha yig tu ni rnam bsgom bya/ /'di de sngags rnams thams cad kyi/ /bsam pa thams cad yongs rdzogs byed/ /'di ni dang po'i bsam gtan brjod/ /rab tu 'bad pas bsgom par bya/ /rtag tu rigs kyi bdag po yis/ /
25a7 bskal par bsreg par rnam bsgoms nas/ /sngags pas de yi rnam pa der/ /bsam gtan brtson pas bsgom par bya/ /sangs rgyas gzugs kyi rab sbyor gyis/ /zla ba'i dkyil 'khor sgom pa ni/ /rang gi gzugs kyis kun
25a8 bskyed nas/ /ba spu'i khung bur 'di spro bya/ /ji skad gsungs pa'i gzugs gsum gyis/ /nam mkha'i khams ni kun du bkang / /'od zer lnga yi rab sbyor gyis/ /rang lus su ni rab gzhug bya/ /rig ma'i rgyal mo sogs
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po