| e-texts navigator |
| བོད་ཡིག |
22b1 yid 'ong bsgom par bya/ /sgo yi phyogs rnams thams cad du/ /rig ma gzhan gyis mi thub ma/ /g.yas brkyang zhabs kyis mnan pa yi/ /'jig rten gsum 'jig 'phrog pa mo/ /de rnams thams cad rang gzugs su/ /rdo rje
22b2 sems dpa' rnam bsgom bya/ /sangs rgyas slob dpon de rtag tu/ /'dod yon lnga yi mchog rnams kyis/ /'bul bar byed pa rtag tu bya/ /de ltas dgyes 'gyur gzhan du min/ /rang gi khu ba yang dag bskyed/ /mchod pa bskyed par
22b3 bshad pa yin/ /gzugs brnyan des ni nam mkha'i dbyings/ /yongs su gang bar rnam bsgom bya/ /dpag bsam ljon shing rin chen che/ /yid bzhin nor bu shin du mdzes/ /rigs kyi dbye ba shes pa yis/ /de rnams kha dog rnam
22b4 bsgom bya/ /ji skad gsungs pa'i gzugs des ni/ /dbang bskur ba ni gzung bar bya/ /cho ga shes pas de yi tshe/ /bya ba bum pa bsam par bya/ /sangs rgyas gzugs sogs thams cad kyis/ /mchod bzhin par ni rnam par bsam/ /
22b5 yang dag sbyor ba'i mtshan nyid 'dis/ /shin du dbang bskur mnyam pa can/ /skye ba 'dir nyid sangs rgyas nyid/ /thob ste 'dir ni the tshom med/ /rang sngags khro bo mtshungs pa yi/ /phan pa'i sbyin pa sbyin par byed/ /de ni dus yun mi
22b6 ring bas/ /dngos grub skye ba lta bur thob/ /blo ldan sangs rgyas slob dpon gyis/ /rtag tu de yi dam tshig ni/ /gang kho na yi rigs 'byung ba/ /'bad pa yis ni 'di ltar 'os/ /gnyis su med pa mnyam pa nyid rnam par rgyal ba'i rtog pa chen
22b7 chen por bsam gtan chen po'i le'u ste bcu gcig pa'o/ / // de nas bcom ldan 'das phyag na rdo rjes slar yang nam mkha'i khams thams cad ye shes kyi snang bas yang dag par skul bar byed pa zhes bya ba'i
22b8 ting nge 'dzin la snyoms par zhugs te/ dam tshig chen po'i de kho na nyid bskyed par byed pa'i sngags 'di gsungs pa/ oM sarba ta thA ga ta dz+nyA nod b+hA bA ya swA hA/ sngags 'di gsungs ma thag tu sangs rgyas kyi zhing grangs med pa
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po