| e-texts navigator |
| བོད་ཡིག |
19a1 ye shes rdo rje rab gzhug bya/ /rdo rje rang bzhin dag pa'i don/ /gsung gi rdo rjer yongs su brtag /dag pa'i ye shes rnam bsgoms pas/ /sku gsung dag par rnam bsgom bya/ /rdo rje'i byin rlob shin du gsal/ /mi phyed rdo rje'i
19a2 sku nyid do/ /sangs rgyas sku yi rang bzhin nyid/ /cho ga shes pas byin gyis brlab/ /rdo rje 'di yis byin brlabs pa/ /'di yis byang chub thob par byed/ /cho ga shes pas zla drug gis/ /sangs rgyas nyid 'dir thob par gyis/ /chags
19a3 skyes chos kyis ma gos pa'i/ /rdo rje de rnams thams cad 'byung / /de ltar de nyid chog byas nas/ /dngos grub thams cad bsdus pa yin/ /de nas phyag na rdo rjes de bzhin gshegs pa thams cad kyi ye shes kyi kun du spyod pa'i dam
19a4 tshig bka' stsal to/ /mi bslu ba yi tshul gyis ni/ /rdo rje ye shes gsum 'byung bas/ /de kun nye bar longs spyod pa/ /sangs rgyas kun spyod nyid du 'gyur/ /nam mkha'i khams ni kun bkang ba'i/ /sangs rgyas rnams ni
19a5 gal te bcom/ /skye ba 'dir nyid sangs rgyas nyid/ /rdo rje slob dpon bsdus pa'o/ /nyi ma'i dkyil 'khor dbus su ni/ /rdo rje'i gzugs ni yang dag bskyed/ /mkha' khams sangs rgyas gzugs kyis ni/ /yongs su gang bar rnam
19a6 bsgom bya/ /snying gar sngags ni yang dag bskyed/ /mnyam par bzhag pas bskul bar bya/ /kun du dgyes pa'i dam tshig gang / /rdo rje slob dpon rtag bsgom bya/ /nyi ma'i dkyil 'khor dbus gnas par/ /rang gi sngags ni yang
19a7 dag bskyed/ /mkha' khams gzugs kyis yang dag bkang / /snying gar thams cad rnam bsgom bya/ /de nyid de ni byed bzhin pas/ /sangs rgyas bka' nyid go 'phang gnas/ /zla ba'i dkyil 'khor dbus gnas par/ /
19a8 rang gi sngags ni yang dag bskyed/ /cho ga shes pas gzugs rnam par/ /gnas lnga rnams su bsgom par bya/ /byang chub sems ni yang dag bskyed/ /de kun bskul bya brtul zhugs can/ /chos kyi dkyil 'khor dbus su ni/ /
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po