| e-texts navigator |
| བོད་ཡིག |
18b1 de skad ces gsungs so/ /rang gi gzugs ni yang dag bskyed/ /rang gzugs la sogs mtshan nyid kyis/ /snying gar bdud rtsir brjod pa ni/ /de yi sngags ni yang dag brtsam/ /'di yang dam tshig ye shes te/ /kun du
18b2 dri ma bsal ba nyid/ /'dod pa'i dngos grub brtan pa ni/ /brtul zhugs brtson pas bsrung bar bya/ /sangs rgyas thams cad rnam bsgoms nas/ /bsgrub bya'i rnam par bsam par bya/ /rdo rje sems dpa' yang dag bskyed/ /
18b3 snying po de la bsgom par bya/ /cho ga shes pas 'di rtag tu/ /dus gsum du yang bsgom par bya/ /gal te gzhan du bzlas byas sam/ /bsgrub na de ni ma yin nyid/ /rig ma gzugs dang gzugs sogs can/ /'bar
18b4 ba'i phreng bas rgyan byed pa/ /sems dpa' rin chen yang dag bskyed/ /de yi lag tu'ang rnam bsgom bya/ /bsdus pa yis ni bsgom bzhin du/ /ji srid dngos grub rab mthong byed/ /gzhan du gal te bdag rmongs na/ /
18b5 de yi sbyin pa der mi 'gyur/ /shin du rnam bkra shin dri med/ /ye shes rin chen cod pan du/ /bzhag nas sgrub pa yi ni mchog /sa stengs lhan cig rgyu bar byed/ /rdor sems bdag nyid dngos grub nga / /rdo rje sems dpas
18b6 byin gyis brlabs/ /rtag tu rdo rje ye shes chos/ /go 'phang du ni bsgral bar bgyi/ /ye shes rdo rjes dngos grub nga / /bdud rtsi zhes sogs byin gyis brlabs/ /nam mkha' mchog tu phra ba yi/ /bzang po nga ni rnam sbyod
18b7 byed/ /bcom ldan 'das rdo rje 'chang chen pos de skad ces gsungs so/ /de nas bcom ldan 'das phyag na rdo rjes slar yang de bzhin gshegs pa thams cad kyi sku dang gsung dang thugs dang ye shes kyi gsang sngags yongs su
18b8 dag pa'i de kho na nyid byin gyis rlob pa zhes bya ba'i de bzhin gshegs pa thams cad kyi dam tshig bka' stsal to/ /rdo rje sems dpa' skye sgom pa/ /thugs kyi rdo rje zhes rab brjod/ /sems la de ni bsgoms nas ni/ /
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po