| e-texts navigator |
| བོད་ཡིག |
18a1 gnas zhes so/ /gnyis su med pa mnyam pa nyid rnam par rgyal ba'i rtog pa'i rgyal po chen por de bzhin gshegs pa thams cad kyi ye shes khong du chud par byed pa zhes bya ba'i mchog tu gsang chen gyi le'u ste
18a2 dgu pa rdzogs s+ho/ / // de nas bcom ldan 'das phyag na rdo rje slar yang de bzhin gshegs pa thams cad kyi ye shes thob pa'i 'bras bu dang rgyu dag gis rdo rje sems dpa' thams cad kyi bcud kyi dam tshig gi
18a3 gsang chen bka' stsal pa/ dgra bcom la phyag bya min nyid/ /dge slong yang rung phyag bya min/ /sangs rgyas rnams kyi sangs rgyas nyid/ /thob pa phyag ste phyag bya min/ /rang gzugs su ni rang gzugs kyis/ /bsams nas de nyid
18a4 cho ga las/ /snying gar rdo rje sogs byas nas/ /yang dag mchod byar de sbyar bya/ /gal te rdo rje sems dpa'ang rung / /kha cig phyis 'di las 'gongs na/ /rang gi byang chub sems smras pas/ /mgo bo tshal pa bdun du 'gas/ /b+ha gar
18a5 ling ga rab bzhag nas/ /gsang sngags yang nas yang du bzlas/ /rdo rje sems dpa' yang dag bskyed/ /rang gzugs la ni bsgom par bya/ /sangs rgyas slob dpon de nyid 'di/ /rtag tu bsrung ba'i khyad par las/ /gzhan du
18a6 slob dpon rnams kyis ni/ /sangs rgyas nyid ni thob mi 'gyur/ /rang gi gzugs su rnam bsgoms nas/ /de nyid las ni phra mo'i gzugs/ /byang chub sems ni yang dag bskyed/ /slob dpon sangs rgyas su bsgom bya/ /sgrub po
18a7 rnams kyi ye shes 'di/ /de nyid dam tshig 'byung ba'o/ /dam tshig la sogs sbyor ba 'dis/ /sangs rgyas kyi'ang 'grub mi 'gyur/ /dam rgya shin du rnal 'byor gyis/ /rang gi snying gar gzugs bsgom bya/ /de la rdo rje yang
18a8 dag bskyed/ /ji srid 'dod pas brtan par bya/ /dus la ltos pa la sogs ldan/ /'di ni dam tshig mchog yin no/ /ji srid dngos grub bsgrub bya ba/ /rtag tu de yis bsrung bar bya/ /bcom ldan 'das byang chub kyi sems kyis
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po