| e-texts navigator |
| བོད་ཡིག |
16b1 mchod pa ni/ /rdo rje sems dpa'i mchod pa ste/ /spyan ras gzigs kyi mgon po yi/ /mchod pa zhes ni de la bshad/ /thun tshod dang po las 'das par/ /gnyis par yang dag nyer gnas pas/ /rnal 'byor pa yis sgrub pa bsgrub/ /de kho
16b2 nyid kyang 'grub par 'gyur/ /thun tshod phyed du yang dag 'byung / /lnga yi bar ma chad rnams su'ang / /phyag na rdo rjes byin brlabs pas/ /sgrub po rtag tu 'grub par 'gyur/ /rigs kyi bdag po ltar gyur nas/ /'jig rten khams ni kun tu
16b3 yang / /btsun mo grangs med po Ti yis/ /dngos grub rtogs phyir rnam par spyod/ /de yi bya bas sangs rgyas nyid/ /ri rab kyi ni rdul phran gyi/ /phyag na rdo rje kun 'byung ba/ /sems can rnams kyi byed pa yin/ /gnyis su med pa mnyam
16b4 pa nyid rnam par rgyal ba'i rtog pa'i rgyal po chen por dam tshig thams cad kyi sgrub thabs chen po gsang ba'i mchod pa'i le'u ste brgyad pa rdzogs s+ho/ / // de nas de bzhin gshegs pa thams cad slar yang
16b5 yang dag 'dus nas byang chub sems dpa' phyag na rdo rje la 'di skad ces gsol to/ /bcom ldan 'das de bzhin gshegs pa rnams thams cad kyi ye shes khong du chud pa zhes bya ba'i gsang sngags chen po'i dam tshig sgrub
16b6 pa po rnams kyis seng ge rnam par rol pa'i dam tshig gi ye shes byed pas myur du bla na med pa yang dag par rdzogs pa'i byang chub tu mngon par rdzogs par sangs rgya bar 'gyur ba bstan du gsol/ de nas phyag na rdo rje de bzhin
16b7 gshegs pa thams cad kyi bdag pos de bzhin gshegs pa de rnams kyi tshig nye bar gsan nas/ rdo rje de rang gi snying gar bzhag ste/ de bzhin gshegs pa de rnams la gsung 'di skad ces bka' stsal to/ /bcom ldan
16b8 'das de bzhin gshegs pa rnams rgyu ci'i phyir de skad gsung / bcom ldan 'das de bzhin gshegs pa thams cad kyi gang nges par bstan nus pa ni med do/ /yang bcom ldan 'das de bzhin gshegs pa 'di la ye
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po