| e-texts navigator |
| བོད་ཡིག |
12a1 gzugs/ /ji ltar rigs par sngags pas sbyin/ /gzhan du grub par mi 'gyur ro/ /cho ga shes pas lha mo lta'i/ /rang gi gzugs ni rnam bsgom bya/ /gzhan du rdo rje sems dpa' rnams/ /dkar sogs cho
12a2 ga 'byung ba yi/ /sgeg pa'i rgyan gyis brgyan gyur pa'i/ /rang gzugs rnon po'i tshul gyis ni/ /cho ga shes pas lha mo der/ /byas nas mtshon bya rnam bsgom bya/ /cho ga shes pas rdor pad ma/ /kun sbyor cho ga 'byung ba yis/ /
12a3 rigs kyi gzugs ni kun bskyed nas/ /rang gi khu bas de ni mchod/ /rgyal ba chu skyes rigs kyi lha/ /gzhan du grub pa nyid mi 'gyur/ /phyag na rdo rje'i rigs brjod pa'i/ /lha nyid grub pa nyid mi 'gyur/ /dang po dang mthar
12a4 thams cad du/ /'di ni thun 'tshams bzhi ru bya/ /rgyal ba chu skyes rdo rje skyes/ /gzhan du 'grub pa min pa nyid/ /ma mo'i gzugs ni kun bskyed nas/ /'od zer sna tshogs mnyam pa'i 'od/ /rang gzugs 'dod mchod tshul gyis ni/ /
12a5 khams gsum par yang spro bar bya/ /'dod pa'i mchod pa mtshungs pa'i gzugs/ /sring mo bzhir ni yang dag sbyor/ /gzugs kyi mtshan nyid tshul gyis ni/ /mnyam par bzhag pas smra bar bya/ /ge sar ser po dang mtshungs pa'i/ /tshangs
12a6 pa'i gzugs ni rnam bsgoms nas/ /cho ga shes pas sangs rgyas gzugs/ /byas nas de ni rab bsgom bya/ /bcom ldan 'das chos 'chang bas de skad ces gsungs so/ /gnyis su med pa mnyam pa nyid rnam par rgyal ba'i rtog
12a7 pa'i rgyal po chen po las/ 'dod pa'i rigs kyi ting nge 'dzin gyi le'u ste lnga pa rdzogs so// // de nas bcom ldan 'das phyag na rdo rjes/ de bzhin gshegs pa thams cad rang gi dkyil 'khor du bzhag nas rang
12a8 gi ting nge 'dzin la snyoms par zhugs te/ gnyis su med pa mnyam pa nyid rnam par rgyal ba'i rtog pa chen por dngos grub thams cad kyi dam tshig gi ye shes mchog gi le'u 'di bka' stsal to/ /blo ldan 'dod pa thams cad
iiif viewer powered by OpenSeadragon
Texts on this page
J430 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po