rKTs

e-texts navigator

Volume

Page

314a₁ bshad par bya/ /dga' ma sems kyis rtse gcig nyon/ /dkyil 'khor lus shes gsungs pa ste/ /dkyil 'khor b+ha gar bstan pa yin/ /dkyil 'khor byang chub sems dang ni/ /dkyil 'khor gsum du btags pa yin/ /btags pa rnams kyang
314a₂ 'dus pa ste/ /gang du gtso bo skyed par byed/ /phung po rnams ni sangs rgyas gsungs/ /'byung ba rig mar btags pa'o/ /chag pa lcags kyu kho na ste/ /zhags pa pad mar chud byed pa/ /kha phrad pa ni sgrags yin par/ /sgra bsgrags pa ni dril bur bshad/ /
314a₃ spos ni dri chen zhes gsungs te/ /me tog raka ta zhes 'dod do/ /mar me sha rnams kho na yin/ /dri ni byang chub sems zhes 'dod/ /sgeg mo ling+gar bstan pa ste/ /phreng ba b+ha ga kho na yin/ /dbyangs ma dbugs su bstan pa dang / /gar mkhan ma ni
314a₄ rnal 'byor te/ /bcom ldan 'das kyis bzang por gsungs/ /de rtogs pa ni skal bzang yin/ /rtogs pa de rnams byams pa sogs/ /de ltar nang gi bdag nyid gsungs/ /dkyil 'khor gzhan ni sngon bshad zin/ /sbyin sreg las ni bshad
314a₅ par bya/ /nyon cig sbyin sreg rnam pa bzhi/ /sbyin sreg phyi dang nang gsungs te/ /phyi ni sngon du bstan pa yin/ /nyon cig khyod kyis nang gi ni/ /pad ma bzhi rnams 'byor pa ni/ /lus kyi dbus su nye bar gnas/ /me dang de bzhin rlung dang ni/ /
314a₆ dbang chen dang ni chu de bzhin/ /rlung gis me ni 'bar byas te/ /chu yi yongs su smin par byed/ /dbang chen dkyil 'khor las byung ba/ /gang du me ni bskyod pa'o/ /ra yig mngon spyod yi ge ste/ /ya yig dbang gi las kho na/ /la yig
314a₇ rgyas par 'gyur ba ste/ /ba yig zhi ba zhes gsungs so/ /gang zhig zas dang btung ba ni/ /de dag thams cad chu la ste/ /pad mar k+ShaHyig kha mar lta/ /snying gi pad mar btsud par bya/ /lte ba'i pad mar 'gro phyi rol/ /
314a₈ kha sbyor tshul gyi sbyor ba yis/ /gsang ba'i pad mar 'gro ma thag /thal bar mtha' ru rnam par bston/ /de ltar sbyin bsreg bdag bshad pa/ /nyin dang nyin du bya ba ste/ /rtag par rgyun du zas zos na/ /tshe 'di kho nar 'grub

_{iiif viewer powered by OpenSeadragon}

313b - 314b

Texts on this page