| e-texts navigator |
| བོད་ཡིག |
311a1 yan lag dang bcas 'gyur nas su/ /lus dngos 'gyur ba ji ltar lags/ /mig dang rna ba sna dang ni/ /de bzhin lce dang lus dang yid/ /dbang po phung po'i dngos rnams dang / /khams rnams su ni 'jug pa yang / /ma rig bag chags
311a2 sred pa yis/ /bcings pa'i nyon mongs 'dod chags sogs/ /rnam par shes pa sna tshogs pa/ /ji ltar dngos su 'dus pa lags/ /dngos po med pa bsgoms pa'i gzugs/ /gzugs sogs spyod yul mtshan nyid rnams/ /rang bzhin
311a3 med cing dmigs med la/ /dmigs pa dang bcas ji ltar lags/ /de dag ngo mtshar chen po ni/ /bdag gi the tshom lhas bka' stsol/ /de ltar zhus ma thag tu ni/ /bcom ldan rdo rje sems dpas gsungs/ /shes rab zab pa zad med ni/ /
311a4 nyon cig spyan ma bshad par bya/ /dpyad du med cing shes bya min/ /de bzhin dpyad mkhan gyis shes dka'/ /sangs rgyas kun gyi gsang chen ni/ /nam mkha' nam mkha'i spyod yul lo/ /mi shes mun pas bsgribs pas na/ /nyan thos
311a5 rnams kyis shes pa min/ /spyod yul bag chags shes mkhan ni/ /rang sangs rgyas su sprul pa ste/ /de dag kun gyis kyang mi shes/ /shes med so so'i skye gnas dang / /ma 'ongs pa dang 'das pa dang / /da ltar byung ba'i dus gsum la/ /
311a6 byol song bag chags las byung ba'i/ /dud 'gro yi dags skye ba rnams/ /de kun gyis kyang mi shes te/ /sangs rgyas spyod yul gsang chen no/ /snying po shin tu snying po'i mchog /gang de kun bdag la gnas pa'i/ /sangs rgyas kun
311a7 gyi gsang chen ni/ /lha mo khyod la bshad par bya/ /byang chub sems dag 'od gsal ba/ /zla ba shel dang mnyam pa'i 'od/ /de nyid ye shes lnga yi dngos/ /yungs kar che ba'i tshad tsam mo/ /de yi dbus su bzhugs pa'i lha/ /mi gsal gsal ba'i
311a8 gzugs can te/ /phyed tshad tsam gyi phra mo'i mchog /yid kyi dngos po'i thig le'i gzugs/ /rtag tu snying gi dbus gnas pa/ /'od zer chen po 'bar ba can/ /ji snyed dgu pa'i bar du ni/ /dpral bar la gnas rkang mthil bar/ /thig le de kho nar
iiif viewer powered by OpenSeadragon
Texts on this page
J427 - lha mo bzhis yongs su zhus pa