| e-texts navigator |
| བོད་ཡིག |
308a1 bde ba chen po'i ting nge 'dzin 'ba' zhig la lhag par mos pa tsam gyis ni las dang po pa'i sa la gnas par 'gyur te/ phyir mi ldog pa la yang slob par 'gyur ro/ /gang rdo rje dang pad ma mnyam par
308a2 sbyor ba'i bde bas rang bzhin snang ba yang dag par nye bar mtshon par byed pa de ni bde ba chen po'i go 'phang la rab tu gnas par 'gyur ro/ /'di ni sbas pa'i bshad pa'o/ /byang chub sems dpa' sems dpa'
308a3 chen po rnams kyis gsol pa/ bcom ldan 'das spyi'i don ji ltar lags/ bcom ldan 'das kyis bka' stsal pa/ nyan thos la sogs pa 'dod chags dang bral ba'i chos spyod pa/ rnam par rtog pa'i bag chags
308a4 las ma grol ba rnams rnal 'byor chen po'i rgyud dag tu btsun mo'i b+ha ga la bzhugs zhes bya ba la sogs pa/ 'dod chags kyi chos gsal bar byed pa ngo mtshar can gyi rdo rje'i tshig thos nas smod par byed pa de
308a5 rnams dang mi 'gal ba'i sgo nas bshad pa de ni spyi'i don du bshad pa gsungs pa'o/ /byang chub sems dpa' sems dpa' chen po rnams kyis gsol pa/ bcom ldan 'das 'dod chags la spyod pa'i chos
308a6 kyi tshul du mthar thug pa bshad pa ji ltar lags/ de nas bcom ldan 'das kyis bka' stsal pa/ byang chub sems dpa' rnams legs so/ /legs so/ /byang chub sems dpa' chen po snying rje mchog dang
308a7 ldan pa rnams nyon cig / mtha' ni mu ste/ 'od gsal ba yang dag pa'i tshul zhes bya ba mthar thug pa'o/ /byang chub sems dpa' sems dpa' chen pos gsol pa/ bcom ldan 'das thabs gang gis mthar
308a8 thug pa thob pa lags/ bcom ldan 'das kyis bka' stsal pa/ phung po dang khams dang skye mched la sogs pa'i mtha' stong pa gsum mo/ /stong pa gsum gyi mtha' 'od gsal ba'o/ /byang chub sems dpa' chen po rnams
iiif viewer powered by OpenSeadragon
Texts on this page
J426 - ye shes rdo rje kun las btus pa zhes bya ba'i rgyud