| e-texts navigator |
| བོད་ཡིག |
306b1 ldan 'das ma rigs pa dang / sems las byung ba dang / sems zhes bgyi ba ci lags/ bcom ldan 'das de bzhin gshegs pa thams cad kyi sku dang gsung dang thugs rdo rjes bka' stsal pa/ rigs kyi bu nyon cig /
306b2 ye shes gsum rdo rje las yang dag par byung ba de'i phyir ye shes gsum rdo rje'i rang bzhin no/ /byams pas gsol pa/ bcom ldan 'das ye shes gsum rdo rje'i ngo bo ji ltar lags/ bcom ldan 'das kyis bka' stsal pa/
306b3 yang dag pa'i mtha' zab pa/ 'gag pa med pa/ skye ba med pa de'i rkyen gyis ma rig pa ste/ ma rig pa zhes bya ba dang snang ba nye bar thob pa dang stong pa chen po'o/ /de yang rtogs par dka' ba'o/ /'on kyang snang ba dang bcas par brjod par
306b4 bya'o/ /ma rig pa'i rkyen gyis sems las byung ba ste/ de ni snang ba mched pa dang shin du stong pa zhes gsungs so/ /sems las byung ba'i rkyen gyis sems te/ de ni snang ba dang stong pa ste/ sems dang sems las byung ba dang / ma rig
306b5 pa'i rang bzhin bdag med pa'o/ /gsum po de dang de 'od gsal ba las byung bas rdo rje'i rang bzhin no/ /de nas byams pa la sogs pa byang chub sems dpa' de dag thams cad ngo mtshar du gyur pas cang mi smra bar gyur to/ /de nas bcom ldan
306b6 'das de bzhin gshegs pa thams cad kyi sku dang gsung dang thugs rdo rjes/ byang chub sems dpa' chen po de rnams cang mi smra bar 'dug pa mthong nas bka' stsal pa/ rigs kyi bu ci'i phyir cang mi smra bar gyur pas 'dug /de nas
306b7 byang chub sems dpa' chen po de rnams kyis bcom ldan 'das kyi zhabs gnyis la phyag 'tshal te gtugs nas gzhan yang zhus pa/ e ma'o ston pa rtog par dka' ba rnam par shes pa gsum gyi dbye ba mchog tu zab pa bcom ldan
306b8 'das bshad du gsol/ bde bar gshegs pa bshad du gsol/ bcom ldan 'das kyis bka' stsal pa/ gang 'od gsal ba las byung ba rnam par shes pa de nyid sems dang yid dang rnam par shes pa zhes bya la/
iiif viewer powered by OpenSeadragon
Texts on this page
J426 - ye shes rdo rje kun las btus pa zhes bya ba'i rgyud