rKTs

e-texts navigator

Volume

Page

301b₁ pa yis ni nyer mdzes pa/ /yid rton pa yi mnyam sbyor la/ /rab tu zhi ba'i zhi gnas su/ /dus gsum rtog pa gcig las 'das/ /rdo rje lcags kyu khyad par du/ /sgrub pa po ni rtag tu bsgrub/ /sbyor gsum sngags
301b₂ kyi skyes bu ni/ /sbyor gsum rdo rje can bsam pa/ /sku gsung thugs kyi lcags kyu'o/ /sangs rgyas ye shes blo can gyi/ /mi gsal gsal bar yang dag ldan/ /de bzhin nyid kyi ngo bo las/ /'gro ba thams cad dgug
301b₃ par bya/ /rlung gi dkyil 'khor mchog gnas pa/ /sangs rgyas dgug pa dam pa yin/ /gnas med gnas pa'i sbyor ba yis/ /de nyid sngags don rnal 'byor pas/ /'gro ba 'dod pa'i longs spyod kyang / /mi gsal
301b₄ sbyor bas sbyor bar byed/ /gang yang dam tshig phyogs rnams ni/ /mkha' dbyings dbye bas gnas pa rnams/ /de nyid rdo rje bkug nas ni/ /sngags rig pas ni spyad par bya/ /nam mkha'i khams ni dgug pa 'di/ /dam
301b₅ tshig chen po rdo rje can/ /sngags kyi de nyid gcig sbyor las/ /lcags kyu de rnams 'grub par 'gyur/ /dam tshig rnams ni dgug pa'i mchog /rgyal gnas lcags kyu bsams nas ni/ /rnam par snang mdzad
301b₆ 'khor lo che/ /rdo rje pad ma la sogs bya/ /me long lta bu'i sngags pas ni/ /sangs rgyas sku ni rnam par bsgom/ /lag tu sku dang gsung thugs kyi/ /lcags kyu la sogs rab tu bsgom/ /de ni sbyor ba 'di nyid
301b₇ kyis/ /de nyid las ni lha rnams dgod/ /de ni de ma thag tu yang / /dngos grub kun ster las byed 'gyur/ /sku dang gsung thugs thams cad ni/ /mtshan nyid gcig par bsgom par bya/ /lce yi rdo rje sbyor
301b₈ ba yis/ /gsung gi rdo rje de mnyam bsgom/ /brtul zhugs can gyis phyi nang gnyis/ /gsang ba'i rdo rje mchog mchod do/ /dngos med dam tshig sbyor ba yis/ /ji lta ji ltar rab bsgrub pa/ /dam tshig gsum gyi rnal

_{iiif viewer powered by OpenSeadragon}

301a - 302a

Texts on this page