| e-texts navigator |
| བོད་ཡིག |
298b1 dngos po gcig gyur mthong ba dang / /'gro bcas tshangs pa 'gro bdag nyid/ /tshangs pa'i gnas pa bzhi po las/ /smon lam la sogs bsgom bya ba'o/ /'gro don gtogs 'dod pa yi yon tan gyur bdag la/ /dgyes pa'i bde mchog
298b2 dga' ba'i 'dod pa mdzod/ /sngon chad mdzad pa'i smon lam rab mchog dgongs nas ni/ /thub pa rdo rje'i tshig mchog rnam par dbye bar gsol/ /nor bu rin chen dag gis rnam brgyan sku yi mchog /'gro ba'i don byed sring mo bdag
298b3 la brten par mdzad/ /lhag pa'i snying rje las byung rab mchog ldan pa'i sku/ /bdag ni yongs su bzung la chos rnams don yod mdzod/ /sring mos kyang ni khyad par du/ /de ltar bskul ba tsam gyis ni/ /de nas yongs su 'dzin mdzad de/ /
298b4 rig pa'i pad ma dpal du mdzad/ /shin du snyan cing yid 'ong dbyangs kyis ni/ /phan pas myur du 'gro ba gnyis med 'dir snod gyur/ /bla ma bdag ni gal te gson par mchis bzhed na/ /dga' ba las byung chos dga' bdag la dgyes
298b5 par mdzod/ /'gro ba dang ni 'ong dang gnas pa tsam 'di ni/ /nam yang ltos par gyur pa dag gi mnga' ba lags/ /kun du song ba'i bdag nyid can gyi dam tshig ston/ /'dod pa'i yon tan rnams dang khyed bdag 'dod pa mdzod/ /dgongs
298b6 pa'i ye shes rdo rje yis/ /sangs rgyas yon tan gcig la bzhugs/ /bzlas brjod sbyin bsreg de bzhin khrus/ /dkyil 'khor yongs su brtags pa mdzad/ /'dod pa med cing chags la zhi/ /de yang don dam dag gyur yin/ /
298b7 spyod dus de bzhin sngags pa ni/ /bzlas brjod dngos po med pa yin/ /bsnyengs pa yang ni yid bzang ldan/ /mda' dang rig byed yon tan dang / /zung dang zla dkyil rnal 'byor pa/ /dbyangs kyi yi ge gzhag par bya/ /ha yi sde tshan ka
298b8 sde dang / /bcu gnyis phyed phyed dag tu sbyar/ /gshin rje'i gshed kyi gzugs 'di ni/ /nyi ma'i dkyil 'khor dag la dgod/ /de nas sngags pa mdun 'dug ste/ /dgongs pa'i don gyis brtag par bya/ /phung po khams la
iiif viewer powered by OpenSeadragon
Texts on this page
J425 - dgongs pa lung bstan pa zhes bya ba'i rgyud