| e-texts navigator |
| བོད་ཡིག |
79a1 rdo rje skyes/ /de nyid dkyil 'khor du ni gsungs/ /sku gsung thugs ni nye ba'i phyir/ /rnam pa gcig tu mtshan nyid med/ /bla ma slob ma rnams gsal bar/ /rab tu 'jug pa de nyid gsungs/ /sbyin sreg yang ni bshad pa yang / /lha
79a2 rnams tshim pa nga yis brjod/ /rnam rtog med pa'i sems gang ni/ /thab khung sgra yis mtshan pa nyid/ /bye brag phyed pas me nang du/ /gzugs kyi phung sogs lnga po rnams/ /sems las byung ba'i yam shing nyid/ /thams cad kyi ni sreg
79a3 lugs bya/ /gzugs la sogs pa gang byung ba/ /yam shing zhes ni rab tu grags/ /de ltar sbyin sreg bshad nas ni/ /rab tu gnas pa brjod par bya/ /sku gsung thugs la rtag tu ni/ /gang zhig sems ni brtan gyur pa/ /de nyid
79a4 rab tu gnas par brjod/ /phung po rnams kyi dngos po ci/ /gang zhig sngags kyi mtshan nyid ni/ /de ni gsal bar brjod par bya/ /yid rnams kyis ni skad du yang / /gang zhig gsang ba bdag gis brjod/ /skye ba med cing snang
79a5 med pa/ /mtshan gzhi mtshan nyid rnam par spangs/ /gsang ba'i don ni rtogs pa'i phyir/ /'di ni nga yis sngags su gsungs/ /sngags ni gsal bar bshad nas ni/ /lha rnams yang ni brjod par bya/ /phung po khams dang skye mched kyi/ /rang
79a6 bzhin gyi ni legs gnas gang / /yang dag byang chub thar pa nyid/ /de kun yang dag rab brtags shing / /gal te sems kyi nyer brtags gang / /lha zhes bya bar yang dag bshad/ /sku gsung thugs kyi phyag rgya las/ /de nyid du ni yang dag
79a7 gsungs/ /lha la gsol btab rnal 'byor ni/ /gsal bar nga yis brjod par bya/ /de nas skyil krung bcas nas ni/ /sna yi rtse mor bltas nas kyang / /rang gi rang bzhin rnal 'byor gyis/ /de nyid mthong ba gzhag par bya/ /snying ga'i
79a8 gnas su lag pa gnyis/ /'bad pas mnyam par sbyar nas su/ /mi rtog pa yi rang bzhin du/ /gang tshe sems ni rab rgyu ba/ /sangs rgyas thams cad 'dus pa'i bdag /de tshe de la skye bar 'gyur/ /sangs rgyas thams cad 'dus pa'i bdag /
iiif viewer powered by OpenSeadragon
Texts on this page
J402 - rgyud kyi rgyal po rnyog pa med pa zhes bya ba