| e-texts navigator |
| བོད་ཡིག |
78a1 @#/ /rgya gar skad du/ a nA bi la~M tan+t+ra rA dza nA ma/ bod skad du/ rgyud kyi rgyal po rnyog pa med pa zhes bya ba/ rdo rje mkha' 'gro la phyag 'tshal lo/ /sems can rnams la phan 'dod pas/ /rnyog med rab tu bshad par bya/ /snang
78a2 ba med cing dpe med pa/ /tshig gi yul las rnam par 'das/ /zhi zhing bdag med dag pa nyid/ /mtshan med mtshan gzhi rnam par spangs/ /ngang gi sangs rgyas 'di nyid tshul/ /mtshan nyid mtshan gzhi rnam par spangs/ /khyad par du yang mdor bsdus
78a3 pas/ /bdag gis gsal bar bshad pa yin/ /rmongs pa rnams la phan 'dod pas/ /snying rjes 'di ni bstan pa yin/ /kha cig stong par 'dod pa dang / /kha cig thig le'i gzugs can dang / /kha cig khyab 'jug tshul gyis ni/ /blo dman dag ni 'jog
78a4 par byed/ /de nyid nges par yang dag par/ /rgyu yi gnas kyi spyod yul nyid/ /rgyu dang 'bras bu ma grub na/ /bsgom pa med cing byang chub med/ /rgyu yi yid ches spangs pa 'di/ /thog ma tha ma med pa'i bdag /sgyu ma'i ye shes las byung ba/ /rnam
78a5 pa sna tshogs ston par byed/ /kha cig drag po'i rang bzhin du/ /kha cig zhi ba chen po che/ /kha cig phyag rgya'i rang bzhin gzugs/ /kha cig 'dar zhing g.yo ba dang / /glu gar de bzhin sil snyan dang / /lha yi sngags ni brjod pa ny-id/ /kha cig
78a6 sngags ni yang dag dgod/ /kha cig dkyil 'khor bri ba dang / /dbang la sogs pa brtag pa dang / /'byung dang 'byung las gyur pa'i lus/ /de ltar la sogs mtha' yas mchog /sangs rgyas la sogs rdo rje brtags/ /gang tshe sems ni
78a7 legs gnas pa/ /de bzhin nyid kyi spyod yul nyid/ /dkyil 'khor de bzhin 'gyur ba ni/ /phan 'dod rnams ni shes par bya/ /phung po la sogs tshogs rnams kyis/ /gang zhig khyad par gyis bcos pa/ /lus ngag yid gsum
78a8 bcos pa'i phyir/ /rdul tshon dkyil 'khor zhes byar gsungs/ /phung sogs gzhan sogs mthong ba'i phyir/ /tshogs kyi dkyil 'khor zhes byar gsungs/ /sems kyi dkyil 'khor dag pa ste/ /rang bzhin med par bsgom par bya/ /
iiif viewer powered by OpenSeadragon
Texts on this page
J402 - rgyud kyi rgyal po rnyog pa med pa zhes bya ba