| e-texts navigator |
| བོད་ཡིག |
77a1 bzhi bgrod pa'i rnal 'byor gyis/ /bsnyen gnas dge bsnyen dge tshul dang / /dge slong chen po gsungs pa ste/ /'di yis rgyud rnams 'grub par 'gyur/ /rtsa ba'i rgyud ni rnam pa gsum/ /bshad rgyud sum bcu rtsa gnyis te/ /yan lag rgyud ni grangs las 'das/ /rtsa ba chen po phyi ma dang / /
77a2 phyi ma'i phyi mar bsdus pa yin/ /bram ze rgyal rigs rje rigs dang / /dmangs rigs gdol pa gdul don du/ /rgyud kyang rnam pa bzhir gsungs te/ /bya spyod rnal 'byor bla med do/ /lha mos gsol ba bcom ldan 'das/ /gnas gang du ni gtso bo bsgom/ /thabs ni rnam pa du zhig mchis/ /de bzhin thabs las
77a3 byung ba ci/ /bcom ldan 'das kyis bka' stsal pa/ /ri rtse dur khrod ro steng du/ /gcer bu skra bshig lhor bltas te/ /A li kA lis lus bsrungs la/ /dpa' bo'i 'khor lo bsgom par bya/ /smin par byed pa dbang bzhi la/ /grol ba bskyed rdzogs gnyis kyi lam/ /lam gnyis la ni brten nas su/ /sngags pas
77a4 byang chub bsgrub par bya/ /bum pas lus kyi dri ma 'khrud/ /gsang bas ngag gi dri ma 'khrud/ /gsum pas sems kyi dri ma ste/ /de ni kun du brtags pa la/ /lhan cig skyes pa'i ma rig pa/ /bkru ba'i phyir na bzhi pa bshad/ /gnas dang ldang ba nyid dang ni/ /'jug dang yongs su rdzogs pa
77a5 dang / /byin gyis brlab dang dbang bskur dang / /ting 'dzin mchod pa bskyed rim la/ /nye bar bsdu ba rdzogs pa'i rim/ /rim gnyis mnyam par gnas nas su/ /rdo rje can gyis chos 'chad do/ /stong pa mngon gyur chos sku la/ /mtshan dpe bde ba longs spyod sku/ /rol pa'i mdzad pa sprul sku la/ /sku
77a6 gsum dbyer med bde chen dang / /lha mos gsol pa bcom ldan 'das/ /gang gis bsgrubs na 'grub par 'gyur/ /gang la bar chad 'byung bar 'gyur/ /bcom ldan 'das kyis bka' stsal pa/ /'khor bas skyo nas sdom gsum ldan/ /thos che dang ldan mtshan nyid bzang / /dben par dkyil 'khor bris
77a7 smra bcad/ /chos gos gyon la bdud rtsi spyad/ /thun bzhir bsgrubs na 'grub par 'gyur/ /zhen pa che ba'i rnal 'byor la/ /lta ba'i bar chad 'byung bar 'gyur/ /g.yeng ba che ba'i rnal 'byor la/ /bsgom pa'i bar chad 'byung bar 'gyur/ /dam tshig nyams pa'i rnal 'byor la/ /spyod pa'i bar
77a8 chad 'byung bar 'gyur/ /le lo che ba'i rnal 'byor la/ /'bras bu'i bar chad 'byung bar 'gyur/ /lha mos gsol pa bcom ldan 'das/ /rgyud kyi ngo bo ji lta bu/ /rtsa ba'i rgyud ces gang la bgyi/ /bshad pa'i rgyud ces gang la bgyi/ /'byung ba'i dus ni ji lta bu/ /bcom ldan 'das
iiif viewer powered by OpenSeadragon
Texts on this page
J401 - pal 'khor lo sdom pa'i rgyud kyi rgyal po dur khrod kyi rgyan rmad du byung ba zhes bya ba