rKTs

e-texts navigator

Volume

Page

75b₁ bgyi/ /de yi phan yon ji ltar 'byung / /bcom ldan 'das kyis bka' stsal pa/ /gtor ma rnam pa bzhi ru gsungs/ /phyi nang gsang ba de kho na/ /dang po phyi yi gtor ma ni/ /thun mtshams lha yi mdun nyid du/ /ra~M las me dang ya~M las
75b₂ rlung / /sgyed gsum a las dum gcig pa'i/ /nang du bdud rtsi sha lnga la/ /sku gsung thugs kyi sbyor ba yis/ /lha rnams mnyes par byed pa dang / /mkha' 'gro dgyes par byed pa'o/ /gnyis pa nang gi gtor ma ni/ /phung po khams
75b₃ dang skye mched rnams/ /lus ni lha yi 'khor lo la/ /rtsa ni ye shes mkha' 'gro ma/ /srin bu las kyi mkha' 'gro mchod/ /gsum pa gsang ba'i gtor ma ni/ /'khor lo bzhi yi ka pA lar/ /rlung dang thig le bdud rtsi la/ /
75b₄ dga' ba gsum gyis byin brlabs te/ /lhan cig skyes pa mchod par bya/ /de nyid bzhi pa'i gtor ma ni/ /phyi nang dngos po'i gtor ma kun/ /chos kyi dbyings kyi pad snod du/ /don dam sems kyi gsum sngags kyis/ /bde ba
75b₅ chen po'i ngang la mchod/ /phan yon dngos grub ster ba dang / /phyi nang bar chad sel ba dang / /zas kyi rtog pa choms pa dang / /khams dang skye mched rtas pa dang / /rgas sra lus kyi mdangs ldan zhing / /skra dkar gnyer ma spong ba
75b₆ dang / /dngos po'i gdon las grol ba dang / /'khor ba'i pha rol son pa'o/ /lha mos gsol pa bcom ldan 'das/ /sems kyi rang bzhin ji lta bu/ /de las 'khrul nas ji ltar 'khor/ /ma 'khrul don la ji ltar gzhag /
75b₇ de las yon tan ji ltar 'byung / /bcom ldan 'das kyis bka' stsal pa/ /sems las ma gtogs sangs rgyas dang / /sems las ma gtogs chos gzhan dag /sangs rgyas kyis kyang ma gzigs shing / /ma gsungs
75b₈ gsung bar mi 'gyur te/ /des na sangs rgyas thams cad kyi/ /sems kyi gsang 'di gsang ba'i mchog /khams gsum brtan dang g.yor bcas pa/ /snang ba myong zhing grub pa med/ /de phyir 'khor ba'i ming yang med/ /thog

_{iiif viewer powered by OpenSeadragon}

75a - 76a

Texts on this page