| e-texts navigator |
| བོད་ཡིག |
72b1 gnyis g.yon nas dgod/ /gsang ba'i dbang bskur ba'i phyir/ /gsang ba'i 'khor lo zhes ni bshad/ /de nas ro ma'i 'khor lo ni/ /'dab ma gnyis la lte bar bcas/ /ma ning bzhi yi 'dab gnyis la/ /lte bar de nyid
72b2 thur la dgod/ /rin chen rtse mo bsam bya ba/ /b+h+ya ni gyen la dgod par bya/ /yi ge gnyis kyi dbus su ni/ /byang chub sems kyi bde ba'i ro/ /nyams su myong bar bya ba'i phyir/ /nyams myong ro ma'i 'khor lor bshad/ /de
72b3 nas dbang bskur 'khor lo ni/ /steng gi tshangs sgo'i 'dab ma brgyad/ /lte bar a~M ni dgod pa ste/ /da~M la~M kha~M ru~M/ g.yon nas brtsams te phyogs bzhir dgod/ /hU~M trA~M hrI a/ g.yas nas mtshams su rim par dgod/ /
72b4 byang chub sems kyi chu rgyun gyis/ /lus ngag yid gsum sgrib pa dag /'khrud pa'i phyir na dbang bskur te/ /de phyir dbang bskur 'khor lor bshad/ /de nas yang ni bshad bya ba/ /mdor bsdus bsgom pa bshad par bya/ /
72b5 gong du bstan pa gang yin pa/ /sgyu ma tsam du shes par bya/ /rang rig sems las gzhan min te/ /rang gi sems kyi stong pa nyid/ /'od gsal ba yi rang bzhin du/ /ci yang mi rtog shes 'gyur na/ /ma bsgoms
72b6 na yang bsgom pa nyid/ /de ltar sems la legs par zung / /bcom ldan 'das kyis de skad ces bka' stsal pa dang / dpa' bo rdo rje la sogs pa'i dpa' bo dang / mkha' 'gro ma dang / ma mo la sogs pa'i
72b7 'khor dpag tu med pa rjes su yi rang bar gyur te/ phyi nang gsang ba'i mchod pas mchod nas mi snang bar gyur to/ /dpal stobs chen ye shes rgyal po'i rgyud kyi rgyal po rmad du byung ba rdzogs s+ho// //
72b8 rgya gar gyi mkhan po gA ya d+ha ra dang / lo ts+tsha ba dge slong shAkya ye shes kyis bsgyur ba'o/ / @##/ /rgya gar skad du/ shrI tsakra sa~M ba ra tan+t+ra rA dza ad+b+hu ta sh+mA sA ni a la~M ka ra nA ma/ bod skad du/
iiif viewer powered by OpenSeadragon
Texts on this page
J400 - dpal stobs chen ye shes rgyal po'i rgyud kyi rgyal po
J401 - pal 'khor lo sdom pa'i rgyud kyi rgyal po dur khrod kyi rgyan rmad du byung ba zhes bya ba