rKTs

e-texts navigator

Volume

Page

284a₁ mtshan nyid ni/ /A li kA lir rab sbyor ba'i/ /de yi sa bon 'byung ba'o/ /dbus su sgrol ma gzhag bya ba/ /phyag rgya 'di yis mchod par bya/ /chu shing me tog lte bar gnas/ /snying kar 'greng bar gnas pa nyid/ /rtag tu kha ni mar
284a₂ phyogs pa/ /mkhas pa yis ni rgyas par bya/ /rtag tu 'dab ma brgyad par 'gyur/ /gsungs pa'i ge sar gyis ni brgyan/ /de dbus zla ba dkar po ni/ /'o ma zla ba de yi dbus/ /'di ltar shes pa'i rnal 'byor pa/ /gsang ba'i gdan gyi ming nyid
284a₃ yin/ /gzugs la sogs pa mi gzung zhing / /stong pa'i sems kyang ma yin no/ /gzugs dang stong pa de bzhin dbus/ /ye shes can gyis de bzhin gzung / /mnyam nyid ye shes thams cad kyis/ /kun nas blta ba thams cad rig /bla
284a₄ mas bstan pa'i lam gyis ni/ /rtag tu nges par blta bar bya/ /ji ltar bu mo gzhon nu gtam gyis rmongs nas su/ /gnyis ka 'thabs pa phrad cing gtam ni smras pa dang / /lam ni ji ltar bstan kyang gzung bar mi nus pa/ /de bzhin
284a₅ rnal 'byor pa ni gzhon nus bstan pa bzhin/ /rnal 'byor pa yis thos tsam gyis/ /nyon mongs ring du spong bar byed/ /gang zhig sbyor ba bsten pa yis/ /sangs rgyas 'bras bu myur du 'thob/ /gang gis sna tshogs bsten pa yis/ /
284a₆ de yis las ni 'grub par 'gyur/ /thams cad rgyud du bshad pa ni/ /rnam shes lhan cig sbed par byed/ /ji ltar sems kyis kun nas ni/ /nan tan gyis ni ye shes sbyar/ /gsang ba'i gdan gyi le'u gnyis pa zhes bya ba'o// //
284a₇ zla ba'i dkyil 'khor dbus gnas par/ /rdo rje sems dpa' mngon par sprul/ /de yi snying kar yi ge hU~M/ /kha dog dkar po bsam par bya/ /bdud rtsi re pha thig le dang / /de yi sa bon sbyar bar bya/ /zhi bar rgyal zhing mchog tu brtson/ /
284a₈ zhi ba'i dus la bab nas ni/ /bdag nyid sbyin sreg rab tu bya/ /zhi ba'i'o/ /snying ka dkyil 'khor dbus su ni/ /kha dog zhi bar mtshungs pa'o/ /bdud rtsi kun nas rig pa yi/ /zla ba'i dbus su bsgom par bya/ /de ltar bsgom pa'i rnal 'byor

_{iiif viewer powered by OpenSeadragon}

283b - 284b

Texts on this page