| e-texts navigator |
| བོད་ཡིག |
283b1 me bzhin 'bar/ /spyi bo'i steng du rdzogs par bya/ /brang du dri med zla ba dang / /dril bu snying gi ngos nyid du'o/ /lte bar dbyug pa gsang ba 'dzin/ /gya gyu rkang pa'i gdan nyid du/ /pad ma'i gdan la rnam par sprul/ /gzugs rdzogs pa las rdo rje ni/ /
283b2 rdo rje sems dpa' bdag ces brjod/ /dar gyis bcings shing cod pan can/ /sangs rgyas lnga yis mngon par brgyan/ /kha dog dkar po mchog tu 'bar/ /rgyan kun gyis ni rnam par brgyan/ /na bza' sngon po rab tu mdzes/ /rdo rje dril bu
283b3 phyag gnyis na/ /de ltar bsams pa tsam gyis ni/ /rdo rje sems dpa' bdag ces brjod/ /brgyad kyi mtha' la rtsa bar rlung / /de bzhin rtsa bar re pha sogs/ /gsum pa yis ni rnam par 'dren/ /steng du thig le'i sa bon gyis/ /'di
283b4 yi 'jig rten gsum po skrag / rdo rje'i sa bon rnal 'byor pas/ /khams gsum thams cad 'dren pa dang / /rlung gi bdag nyid thams cad pa'o/ /sa bon dbus su gnod sbyin ming / /de bzhin lha yi ming nyid do/ /sa bon dbus su ming
283b5 rnams ni/ /thams cad me yi dbang phyug nyid/ /'bum phrag gsum bzlas rnal 'byor pas/ /rgyas par yongs su grags pa nyid/ /mnyam gzhag bzlas pa'i ngo bo yis/ /'grub par 'di la the tshom med/ /phyag 'tshal
283b6 bsreg pa mthar bzhag pa/ /sngon du bsnyen pa'i rnam pa bya/ /gsang ba'i gdan zhes bya ba le'u ste dang pa'o// // sor bzhi par ni nam mkha'o/ /gang phyir nam mkhar skar ma nyid/ /kun nas 'bar ba'i 'od zer mes/ /
283b7 phyogs bcu'i 'jig rten khams kun dang / /khams gsum skyes pa zad byas nas/ /thams cad kun nas 'bar ba yi/ /me yi gzugs kyang de bzhin zad/ /de nyid lnga yi khyad par nyid/ /shar du rdo rje dkar po'o/ /ser po rdo rje byang
283b8 du'o/ /nub tu rdo rje dmar po nyid/ /lho ru sngon po'i rdo rje can/ /kun nas rdo rje 'bar ba'i 'od/ /dbus su mnyam pa'i kha dog nyid/ /thams cad kun nas sngon po yi/ /dbang po'i gzugs ni rdo rje 'dzin/ /sor bzhi pa yi nam mkhar ni/ /sgrol ma yi ni
iiif viewer powered by OpenSeadragon
Texts on this page
J412 - dpal gdan bzhi pa'i rnam par bshad pa'i rgyud kyi rgyal po zhes bya ba