rKTs

e-texts navigator

Volume

Page

277a₁ reg pa nyid/ /'jig rten 'dir ni bde ba dang / /rtag tu mchod pa rnyed par 'gyur/ /'chi ba'i dus su ye shes ni/ /gzugs med srid par rab tu gnas/ /bdag gi de nyid mnan pa yis/ /ji ltar sngags 'di 'grub par 'gyur/ /de
277a₂ phyir nan tan thams cad kyis/ /sbyor ba'i bstan bcos rtogs par bya/ /dri zhim rab grags me tog kun nas gnas pa dang / /nag po'i a ka ru dang gu gul mar me dang / /gnyis med gtor ma gcig gis yid ni ldan pa yis/ /lha mo
277a₃ ma mo rnam pa kun nas rab tu mchod/ /yi ge brgyad pa'i le'u zhes bya ste dang po'o// // de nas gsang ba'i yan lag gi/ /thig le la ni bdag phyag 'tshal/ /khams gsum skyes pa zad byas nas/ /ye shes dngos po
277a₄ gnas pa bzhin/ /lha yi dngos po dbyer med pas/ /steng dang 'og dang dbus su ni/ /thams cad kun nas stong pa nyid/ /ri rab gling gzhan zad byas nas/ /mnyam nyid sbyor ba kun tu bsam/ /thams cad sdom pa'i dbye ba yis/ /
277a₅ de yis me tog thig le yi/ /thig le'i dbus su gsal ba'o/ /ye shes rdul ni rnam par thim/ /ye shes blo dang ldan pas shes/ /kha dog med cing mtshon kun dngos/ /gzugs med ye shes gzugs bzhin no/ /ring
277a₆ ba ma yin thung ba min/ /mi ldan pa dang ldan pa nyid/ /gzugs dang stong pa'i de bzhin dbus/ /lhan cig ye shes gzung bar bya/ /nyon mongs de bzhin mun pa ni/ /rnam shes lhan cig snang ba'o/ /ye shes rdo rje bcom
277a₇ byas nas/ /snang ba'i dngos grub thob par 'gyur/ /rlung gi dkyil 'khor dbus su ni/ /me yi dkyil 'khor 'dra ba'o/ /me yi dkyil 'khor dbus su ni/ /nyi ma'i dkyil 'khor 'dra ba'o/ /nyi ma'i dkyil 'khor
277a₈ dbus su ni/ /zla ba'i dkyil 'khor bsgom par bya/ /de dbus ji skad gsungs pa yi/ /ye shes dang ni rnam shes sems/ /'jig pa med cing 'tshe med par/ /dngos pos dngos po bsgom par bya/ /ye shes kyi thig le'i sbyor ba'i le'u bya ste

_{iiif viewer powered by OpenSeadragon}

276b - 277b

Texts on this page