| e-texts navigator |
| བོད་ཡིག |
273b1 ste bdun pa'o/ / // de nas gzhan yang bshad bya ba/ /'byin byed tshogs ni dgu pa nyid/ /phra ba'i rnam par bshad pa nyid/ /rlung gi dkyil 'khor gyis bskor ba'o/ /bcu gnyis dgu yi rim pa ni/ /dgu yi sbyor ba la rab brten/ /
273b2 'di yi dgu yi rlung ji bzhin/ /rnam shes rlung gi dkyil 'khor la/ /rlung gi dbus su me yi dbyibs/ /me yi du ba'i yig de bzhin/ /u ni re phar yang dag ldan/ /sgra ni rgya mtshor bshad pa'o/ /de bzhin thig le ye
273b3 shes gnas/ /sgra dang sgra yis bsgom pa'o/ /bshang ba'i sgo nas de bzhin du/ /srid pa'i nyes las yang dag 'pho/ /sna dang rna ba mig las mi/ /mi rnams kyi ni rgyal por 'gyur/ /lte ba'i thig le de bzhin
273b4 steng / /gong gi gnas ni shes par bya/ /sems kyi rtsa dang 'dra ba yi/ /snying khar de bzhin sbyong ba'o/ /'phyar bar rlung gi sa bon ni/ /mnyam pa'i gnas su shes par bya/ /de ltar nga yis mtshan nyid bshad/ /gzhan du bla ma
273b5 ston pa'o/ /steng du tshangs pa'i sgo 'di ni/ /mod la 'pho ba'i ming du bshad/ /ji ltar bung ba me tog bu gar ni/ /rgyags pas myos nas sems ni zhu ba ltar/ /de bzhin ye shes dbang phyug sgor gnas pa/ /ud
273b6 tran ta yi gnan pas 'jig pa'o/ /e ma'o chos ni mchog gi lam/ /e ma'o 'khor ba gcod byed pa/ /e ma'o grol ba'i go 'phang gnas/ /e ma'o ye shes ngo mtshar che/ /'pho ba sbyor ba'i le'u
273b7 zhes bya ste brgyad pa'o/ / // de nas gzhan yang bshad bya ba/ /sngon du gsungs pa'i mtshan nyid ldan/ /dang por gzugs ni sbyang bar bya/ /bdag nyid mdun du yang dag gnas/ /bdag nyid lha dang de
273b8 bzhin gzhan/ /shes pa gzhan la rmongs pa rnams/ /ming gi yi ge mnyam por drang / /'di yi ye shes dbang phyug lha/ /sgong skyes kyi ni dbus su thim/ /ye shes lus la bsgom byas pas/ /blo ldan lus ni rnam par 'pho/ /
iiif viewer powered by OpenSeadragon
Texts on this page
J412 - dpal gdan bzhi pa'i rnam par bshad pa'i rgyud kyi rgyal po zhes bya ba