| e-texts navigator |
| བོད་ཡིག |
272b1 rang bzhin/ /chu yis thams cad khyab pa'o/ /sa dang chu yang mtshungs par ni/ /phyi rol khyab par brtags pa'o/ /de bzhin lus po yi ni chu/ /thams cad khyab par yang dag gnas/ /lus la me ni drod bcas pas/ /
272b2 dbyibs la thams cad kun nas 'bar/ /sa yis thams cad kun tu ni/ /gzugs la yon tan dbang pos brgyan/ /de phyir 'byung ba bzhi yi lus/ /khams dang rtsa yis khyab pa'o/ /rtsa ni mnyam pa'i cha yi dngos/ /mnyam
272b3 pa'i dbyibs su rnal 'byor pas/ /lha bsgom pa'i le'u zhes bya ste lnga pa'o// // de nas gzhan yang bshad bya ba/ /lha rnams lnga ni gang du gnas/ /bug pa gsum dang sgo dgu yi/ /de bzhin bdag nyid lha yi gnas/ /rlung
272b4 bsdams sku yi mer bcas pa'i/ /snying ga'i sgong skyes kyi ni gnas/ /phra rab rdul gyi rnam pa ltar/ /de bzhin sgo nas mtshon pa'o/ /sgo dgu yi ni dbyibs nyid dang / /'dab ma brgyad par yang dag grags/ /phra rab rdul gyi rnam pa
272b5 bzhin/ /de ltar lha ni phra zhing phra/ /lnga pa lnga yi lnga bdag lha/ /rang bzhin gyis khyab rnam par spang / /so ni ka ni gcig nyid dang / /de bzhin chu dang chu min gnyis/ /de bzhin ji ltar bug pa nyid/ /tshigs dgu dang ni sgo
272b6 dgu dang / /rtsa dgur yang dag grags pa nyid/ /dang por stong pa nyid kyi dngos/ /steng dang dbus dang mnyam pa'i gnas/ /gzugs dang tshor ba mnyan pa yang dngos med stong pa'i ngo bo'o/ /rgya mtsho chu yi dbyibs dang ni/ /
272b7 de dbus ge sar bcas pa'o/ /dgu ru chu ni sbyar bar bya/ /de bzhin pad ma chu shing gi/ /de yi ye shes dbang phyug lha/ /sgong skyes khyim pa mnyam par brten/ /'dab ma brgyad la sa bon ni/ /rim pa ji bzhin rtsa
272b8 yi lha/ /de yi rgyab kyis rtsa la yang / /bdag nyid sgo ni phra ba bzhin/ /phye nas bdag nyid brgyan pa ni/ /kun nas lha yi lhag par brgyan/ /de yi bdag nyid lhar sbyangs pa/ /sbyor ba'i lus sogs
iiif viewer powered by OpenSeadragon
Texts on this page
J412 - dpal gdan bzhi pa'i rnam par bshad pa'i rgyud kyi rgyal po zhes bya ba