| e-texts navigator |
| བོད་ཡིག |
139b1 'dres pas shin du dkar por 'gyur ro/ /gal te dug gis zin pa ma shi na de'i che chu blud do/ /yang na shi ba yin na mgo nas rkang pa'i mthar thug par lan gsum gsum du chu rgyun mi chad par blugs na langs par 'dir the tshom
139b2 med do/ /de nas chu blud na rnal mar 'gyur ro/ /sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba zhes bya ba las sha li ka'i sbyor ba dang / chu'i sbyor ba'i le'u ste bzhi pa'o// //
139b3 de nas yang dag rab bshad pa/ /shin du rnyed dka'i bcud len le'u/ /de bzhin gshegs pa'i snying po mchog /rnal 'byor ma yi gong na med/ /gzhon nu ma dang sha ri ka /grub ma byis pa can ma dang / /de bzhin
139b4 thod bzangs can ma'o/ /'di dag sman ni chen po lnga/ /sangs rgyas las kyang rnyed par dka'/ /'di dag zos pa tsam gyis ni/ /bskal pa bye bar de 'tsho'o/ /gzhon nu ma ni zla drug tu/ /de bzhin sha ri ka zla
139b5 gsum/ /grub ma zla ba gcig tu'o/ /byis can ma ni zla phyed gnyis/ /thod pa can yang zla bar te/ /tshe 'phel ba yi mchog yin no/ /bya rog ma ni bya rog gzugs/ /glang po ma ni ngang pa'i gzugs/ /drod ma drod kyi
139b6 gzugs can te/ /sngo bsangs dkar mo sngon mo'i mig /kha sbyar sbyor ba'i dus su ni/ /mig las byung ba'i rdzas gang yin/ /sman de'i ming ni gzhon nu ma/ /'di ru bstan par som nye med/ /de yi pad ma las
139b7 byung rdzas/ /rtsa yi nang na rnam par gnas/ /ge sar sbas pa'i spyod yul te/ /sman ni sha ri ka ru gsungs/ /me tog ldan pa'i bu mo gang / /kha dog nag mos rab mdzes ma/ /gang du thabs shes gnyis 'dus
139b8 pa/ /de yi kha sbyor sbyor las byung / /sman de'i ming ni grub mar bshad/ /sangs rgyas thod pa'i sbyor ba yis/ /bud med rab mdzes ma nyams dang / /dbang po gnyis kyi sbyor ba yis/ /mi phyed nye bar spyad pa yi/ /
iiif viewer powered by OpenSeadragon
Texts on this page
J407 - dpal sangs rgyas thod pa zhes bya ba rnal 'byor ma'i rgyud kyi rgyal po