| e-texts navigator |
| བོད་ཡིག |
132a1 thod pa'i rgyud chen po/ rnal 'byor ma rnams kyi gong na med pa gsang ba'i yang shin du gsang ba zhes bya ba las thal ba'i sbyor ba dang las sna tshogs gtan la dbab pa dang / sngags kyi le'u ste gnyis
132a2 pa'o/ / // de nas byang chub sems dpa' sems dpa' chen po phyag na rdo rjes sna tshogs sde ma la btud de 'di skad ces gsol to/ /sems can don la gcig brtson pa/ /legs so bcom ldan 'das lha mo/ /'di
132a3 lta'i rab tu sbyor zhes pa/ /rgyud gzhan dag tu ma gsungs shing / /sangs rgyas kun gyis rab sbas pa/ /de ni 'bad de gsal bar mdzod/ /lha mo chen mo khyod kyis gsungs/ /lha yi le'u ni ji lta bu/ /sangs rgyas
132a4 thod pa'i rnal 'byor ma'i/ /rgyud du lha rnams du zhig gsungs/ /de ru gzugs ni ji lta bu/ /gus pa yis ni nyan par 'tshal/ /gsungs pa/ ra~M las nyi ma bsam par bya/ /nyi ma'i steng du hU~M byung ba'i/ /rdo rje nag
132a5 po bsreg pa'i bdag / rdo rje de nyid 'od zer gyis/ /ra ba dra bas mtshams bcing ngo / /de bzhin rdo rje nag gyur pa'i/ /rdo rje'i sa gzhi bsam par bya/ /rdo rje'i sa gzhi'i dbus chud par/ /e yi rnam pa bdag nyid che/ /
132a6 gru gsum khams gsum bdag nyid can/ /yi ge la~M gyur sa yi ni/ /dkyil 'khor gru bzhi rab ser po'o/ /de yi dbus nas sa bon ni/ /yi ge oM ste chos bdag nyid/ /oM las byung ba'i 'khor lo ni/ /rtsa rnams kun
132a7 gyi rang bzhin can/ /rnal 'byor ma ni rnam par bzhugs/ /rtsa ni bcu drug bcu la rgyan dang / /sprul pa drug bcu rtsa bzhi 'dab/ /des na rtsa brgya nyi shu'o/ /rdo rje sku yi bdag nyid che/ /shes rab can gyis de ltar bsam/ /de yi dbus
132a8 gnas sa bon ni/ /lba~M dkar yi ge las byung ba/ /chu yi dkyil 'khor zlum po'o/ /rtsa rnams thams cad chu yi ni/ /dkyil 'khor la ni thim par 'gyur/ /slar yang bsam par bya ba ni/ /ra~M dmar las byung me dkyil
iiif viewer powered by OpenSeadragon
Texts on this page
J407 - dpal sangs rgyas thod pa zhes bya ba rnal 'byor ma'i rgyud kyi rgyal po