| e-texts navigator |
| བོད་ཡིག |
127a1 ni thub pa'i dbang pos gsungs so/ /sngags dang bral na ni rgyud kyi nus pa mi snang ste/ rgyud la lar ni ci nas sngags bye ba bzlas par gsungs so/ /bsod nams 'bring po rnams kyis ni sngags 'bum bzlas pas
127a2 myur bar 'grub par gsungs so/ /bsod nams che bas khri bzlas pas shin tu myur bar 'grub bo/ /de ltar rdo rje can chen po rgyud kyi bdag po'i gtso bos gsungs so/ /bsod nams chung ba'i sems can rnams kyis ni bye ba
127a3 bzlas par gsungs so/ /sems can 'bad rtsol chung ba rnams kyis ni 'bum bzlas par bdag smra'o/ /sems can sgom pa la zhen pa rnams kyis ni khri kho na bzlas par bya'o/ /sems can 'dod chags la zhugs pa rnams kyi
127a4 bzlas pa ji ltar lags/ blun po dang lkugs pa'i rigs can rnams kyi sngags kyi grangs ji ltar lags/ shin tu dmigs pa'i sngags kyi bzlas pa ji ltar lags/ 'di ltar phan tshun smra bas bzlas na dngos grub gzhan
127a5 du yang 'gyur ro/ /gal te dman pa'i sems kyis nyon mongs bzhin pas bzlas pa de'i tshe bskal pa skar ma lta bu bye bar yang de la dngos grub med do/ /de ltar thos nas rnal 'byor ma sna tshogs sde ma bcom ldan 'das kyi zhal
127a6 la blta bar byed cing zur mig dang bcas pa'i chags pas bltas te/ shin tu khro bas 'jigs par byed cing snying rje'i thugs 'khrugs pas bdud kyi dpung rab tu bcom mo/ /de ltar bzhugs pa'i lha mo chen mo rgyud thams cad kyi
127a7 bdag po'i dbang phyug la de nas des gzigs pa tsam gyis bcom ldan 'das kyi dbu las sngags phyung ngo / /oM bud d+he sid d+he sid d+hi/ a mri ta a ra dze bud d+ha ka pA la s+pho Ta ne pa te ya tra s+pha ya~M hU~M ho phaT/ de ltar sngags
127a8 kyi mchog gsan pas sa rim pa bdun gyi 'og tu chud pa'i klu rnams bcom par byas shing phye mar byas nas slar 'ongs te sna tshogs sde ma'i zhal du zhugs te/ pad ma'i nang nas byung nas slar thod par zhugs so/ /
iiif viewer powered by OpenSeadragon
Texts on this page
J407 - dpal sangs rgyas thod pa zhes bya ba rnal 'byor ma'i rgyud kyi rgyal po