| e-texts navigator |
| བོད་ཡིག |
264b1 sgom pa po med bsgom bya med/ /sngags med lha yang yod ma yin/ /spros pa med pa'i rang bzhin nyid/ /sngags dang lhar ni yang dag gnas/ /rnam snang mi bskyod don yod dang / /rin chen dpag med
264b2 sems dpa'o/ /tshangs pa khyab 'jug zhi ba dang / /thams cad sangs rgyas de nyid brjod/ /tshangs pa sgrib bral sangs rgyas nyid/ /'jug phyir khyab 'jug brjod par bya/ /zhi ba rtag tu dge ba ste/ /
264b3 thams cad kun gyi bdag nyid gnas/ /dam pa'i bde bas de nyid de/ /dga' ba rtogs phyir rnam sangs rgyas/ /gang phyir lus las byung ba nyid/ /lha zhes mngon par brjod par bya/ /'di la b+ha ga mnga'
264b4 ba'i phyir/ /bcom ldan 'das zhes brjod par bya/ /b+ha ga rnam pa drug tu brjod/ /dbang phyug la sogs yon tan kun/ /yang na nyon mongs la sogs pa/ /'joms pa'i phyir na bcom ldan 'das/ /
264b5 gang phyir skye 'gro bskyed pa'i phyir/ /shes rab ma zhes brjod par bya/ /gang phyir skal ba ston pa'i phyir/ /shes rab de nyid sring mo nyid/ /shes rab tshos mar brjod pa ni/ /sems can thams cad
264b6 'tshed pa'i phyir/ /btso blag ma zhes de bzhin brjod/ /yon tan 'jo bar gsungs pa'i phyir/ /shes rab bu mor brjod par bya/ /snying rje chen pos g.yo ba'i phyir/ /shes rab gar mar brjod par
264b7 bya/ /gang phyir bcom ldan mi reg pa/ /de phyir g.yung mor brjod par bya/ /A li kI li rab smras pa/ /bzlas pa smra bar yang dag bshad/ /rkang pa'i rjes ni dkyil 'khor yin/ /nyed phyir dkyil
264b8 'khor brjod par bya/ /lag pa sgyur ba phyag rgya yin/ /sor mo nyed pa'ang de bzhin no/ /gang phyir rnam sems bsam gtan ni/ /gang sems de ni bsam gtan no/ /pha las bde ba gang thob pa/ /
iiif viewer powered by OpenSeadragon
Texts on this page
J371(a) - yang dag par sbyor ba zhes bya ba'i rgyud chen po