| e-texts navigator |
| བོད་ཡིག |
266b1 mthar ni zhi ba'i bde rig dang / /gsang ba mchog dang dgyes pa la/ /sangs rgyas kun khyab sems dpa' ni/ /mkha' 'gro ma yi rdo rje gur/ /'di ni rang byung bcom ldan 'das/ /lha'i bdag po gcig pu nyid/ /thams cad bdag
266b2 nyid rtag tu bzhugs/ /'bum phrag lnga bdag kye'i rdo rje/ /las ni dkyil 'khor lngar gsungs pa/ /rdo rje can dang phan pa dang / /de bzhin rdo rje gzi brjid nyid/ /pad+ma gar gyi dbang phyug dang / /rta bdun rgyal po lnga pa'o/ /
266b3 rdo rje mkha' 'gro'i dkyil 'khor du/ /dkar mo rkun ma ro langs ma/ /g+hasma rI dang puk+ka sI/ /ri khrod gdol pa g.yung mo'o/ /rdo rje phan pa'i dkyil 'khor du/ /skam pa zhags pa ma nyid dang / /dol zlum ma dang lcags kyu
266b4 'dzin/ /me tog ma sogs mtshams kyi char/ /rdo rje nyi ma'i dkyil 'khor du/ /nyi lag ma dang mar me ma/ /rin chen sgron ma grog lag ma/ /lA s+yai la sogs mtshams char ro/ /pad+ma chos 'byung lcags sgrogs
266b5 dang / /'khyud ma gar gyi dkyil 'khor du/ /gling bu ma sogs mtshams kyi char/ /bdag nyid cha byad sbyor bas so/ /rta yi rgyal po'i dkyil 'khor du/ /rdo rje sgo lcags lde kyog ma/ /sgo ma dang ni gos 'dzin ma/ /
266b6 de bzhin mtshams su spyan la sogs/ /rdo rje mkha' 'gro de rnams kun/ /rkang pa g.yon pa rkyang bas gnas/ /snying gar g.yon bcangs sdigs 'dzub ste/ /kha dog sna tshogs cher 'bar ba'o/ /shin tu zhe sdang zhe sdang
266b7 che/ /gau rI la sogs rab tu grags/ /shin du gti mug rmongs chen las/ /skam pa ma sogs cher bzung ngo / /shin tu gzi brjid cher gsal ba/ /nyi lags ma sogs rab tu grags/ /shin tu 'dod chags
266b8 chags chen las/ /pad sogs chos kyi dkyil 'khor du'o/ /phrag dog chen po sgrib chen las/ /sgo lcags ma sogs myur 'gro bdag /rgyal ba mgon po phan pa ni/ /gti mug thams cad zad par mdzad/ /
iiif viewer powered by OpenSeadragon
Texts on this page
J356 - 'phags pa mkha' 'gro ma rdo rje gur zhes bya ba'i rgyud kyi rgyal po chen po'i brtag pa