| e-texts navigator |
| བོད་ཡིག |
248a1 nyid/ /zla drug goms pa'i sbyor ba yis/ /'grub 'gyur 'di la the tshom mid/ /'di la 'khrul pa mi bya ste/ /sangs rgyas rdzu 'phrul bsam mi khyab/ /lta stangs bzhi po bsgrubs nas ni/ /mkhas pas sems
248a2 can gzhug par bya/ /gsad par 'di la bya ma yin/ /dam tshig nges par nyams par 'gyur/ /sems can slu ba spangs nas ni/ /bya ba ma yin thams cad bya/ /sems can gnod pa tsam gyis ni/ /phyag rgya'i dngos grub
248a3 rnyed mi 'gyur/ /de la dam tshig bza' bya ba/ /na dang ga ha dang po dang / /mtha' yi shwa dang dang po'i shwa/ /kye'i rdo rje yi dngos grub phyir/ /bdud rtsi lnga yang de bzhin bza'/ /kye yi rdo rjes gsungs mtshan nyid/ /skye ba bdun pa de nas
248a4 mtshon/ /dga' bral dga' ba la smod pa/ /lan bdun pas ni 'grub par 'gyur/ /skad snyan mig dang ldan pa dang / /dri lus gzi brjid chen po dang / /de yi grib ma bdun du 'gyur/ /mthong nas rnal 'byor pa yis mtshon/ /de ni zos
248a5 pa tsam gyis ni/ /skad cig las ni mkha' spyod 'gyur/ /ku ru kul+le'i sgrub thabs bshad par bya ste/ gong du brtag pa bcu gnyis par/ /rgyas par gsungs pa mdo ru bsdu/ /hrIHlas byung ba'i lha mo ni/ /kha dog dmar zhing
248a6 phyag bzhi ma/ /mda' dang gzhu yi lag pa ma/ /ud pa la dang lcags kyu 'dzin/ /'di ni bsgoms pa tsam gyis ni/ /'jig rten gsum po dbang du byed/ /'bum phrag gcig gis rgyal po rnams/ /khri yis 'jig rten
248a7 phal pa nyid/ /bye bas phyugs dang gnod sbyin sogs/ /'bum phrag bdun gyis lha ma yin/ /'bum phrag gnyis kyis lha rnams nyid/ /brgya phrag gcig gis sngags pa nyid/ /kye'i rdo rje mkha' 'gro ma dra ba'i sdom pa las
248a8 rdo rje snying po mngon par byang chub pa zhes bya ba brtag pa'i rgyal po rdzogas+ho/ / // rdo rje snying pos gsol pa/ bcom ldan rdo rje snying po bdag /sangs rgyas thams cad gcig bsdus pa/ /rab gnas mtshan nyid bzang po nyid/ /
iiif viewer powered by OpenSeadragon
Texts on this page
J355(a) - kye'i rdo rje zhes bya ba rgyud kyi rgyal po
J355(b) - kye'i rdo rje mkha' 'gro ma dra ba'i sdom pa'i rgyud kyi rgyal po