rKTs

e-texts navigator

Volume

Page

246a₁ rim pa yang dag rab tu bshad/ /gang gis slob ma dbang bskur ba'i/ /cho ga rab tu bshad par bya/ /dang por lha yi bdag nyid kyi/ /rnal 'byor pas ni nor 'dzin sbyang / /'bad pas hU~M las rdo rje can/ /byas te phyi nas dkyil 'khor bri/ /
246a₂ tshal dang skye bo med gnas dang / /byang chub sems dpa'i khyim dang ni/ /dkyil 'khor khang pa'i nang du yang / /dkyil 'khor dam pa rab tu bzhengs/ /rdul tshon dam pa'i tshon dang ni/ /yang na 'bring po nyid kyis te/ /rin chen lnga yi
246a₃ phye ma 'am/ /yang na 'bras la sogs pas so/ /de nas dkyil 'khor khru gsum dang / /'the bong gsum ni lhag par bya/ /der ni rigs lnga las byung ba'i/ /rig ma bzang mo rnams par gzhug /yang na ji ltar gang rnyed de/ /de ltar bcu
246a₄ drug lon pa nyid/ /ji srid khu ba ldan gyur pa/ /de srid phyag rgya bsten par bya/ /phyag rgya'i gdong ni bcing ba dang / /thabs kyi gdong yang de bzhin no/ /bsten pa de las gang byung ba/ /slob ma'i khar ni btung bar bya/ /ro mnyam slob ma'i
246a₅ spyod yul nyid/ /de nyid la yang bya bar bya/ /rang rig ye shes nyid du 'gyur/ /rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog /thabs dang shes rab shin tu 'dres/ /
246a₆ chags dang chags bral rnam par 'dres/ /de nyid srog chags rnams kyi srog /de nyid yi ge dam pa nyid/ /de nyid 'gro ba'i bdag nyid de/ /de nyid thams cad khyab pa po/ /thams cad lus la rnam par gnas/ /dngos dang dngos med
246a₇ de las byung / /gzhan dang gang rnams de rnams dang / /rnam par shes pa kun gyi tshul/ /skyes bu sngon rabs dbang phyug dang / /bdag dang gso ba sems can dang / /dus dang gang zag nyid dang ni/ /dngos po kun gyi rang bzhin
246a₈ 'di/ /sgyu ma'i gzugs kyis yang dag gnas/ /dang po dga' ba tsam nyid de/ /gnyis pa'i grangs las mchog dga' nyid/ /gsum pa las ni dga' bral bshad/ /bzhi pa lhan cig skyes par brjod/ /de bzhin gshegs

_{iiif viewer powered by OpenSeadragon}

245b - 246b

Texts on this page