| e-texts navigator |
| བོད་ཡིག |
26b1 ji ltar gdan dang ljon shing dag /du ma mngon par sprul byas pa/ /yid kyi sgyu ma lta bur stong / /'di la khyad par 'ga' yang med/ /byang chub sems dpa' seng ge'i sgras smras pa/ seng ge'i sgra ni ma thos na/ /
26b2 wa ni nags tshal nang na sgrogs/ /de yis seng ge'i sgra thos nas/ /phyogs bcu dag tu 'bros par 'gyur/ /de bzhin sgyu mkhan bzang po yang / /de bzhin gshegs pa ma mthong na/ /mu stegs nang du rgyal ba
26b3 bas/ /bdag nyid mchog ces sgrogs par byed/ /bzang po de bzhin gshegs pa yi/ /sgyu mas sgyu mar rtogs byed pa/ /tshad mar gyur ba gsungs nas ni/ /de la bdud kyi gting mi dpogs/ /byang chub sems
26b4 dpa' seng ge'i blo gros kyis smras pa/ zhal zas 'di ni sprul pa ste/ /bsnyen bkur byed pa'ang sprul pa yin/ /spyod par byed pa'ang sprul pa ste/ /sbyin pa dge ba bla na med/ /byang chub sems dpa' byams pas
26b5 smras pa/ /me ni mar dang til mar gyis/ /phyi phyir zhing ni rab tu mched/ /de bzhin bzang po'i sgyu ma yis/ /sangs rgyas sgyu ma nges par bstan/ /'jam dpal gzhon nur gyur bas smras pa/ /ji ltar 'di ni
26b6 sngon gnas pa/ /thams cad byed pa med pa ltar/ /de bzhin chos rnams thams cad ni/ /sngon gyi mtha' nas rtag tu mnyam/ /de nas bcom ldan 'das kyis sgyu ma mkhan bzang po shin du gdul ba'i
26b7 dbang du mdzad nas khyim bdag cig sprul te/ 'khor gyi khyams de'i nang du zhugs nas sgyu ma mkhan bzang po la 'di skad ces smras so/ /bzang po ci byed/ smras pa/ dge sbyong gau ta ma 'di gdugs tshod gsol
26b8 bar byed do/ /des smras pa/ bzang po thong de skad ma zer de bzhin gshegs pa de ni dge slong gi de 'dun dang thabs gcig tu rgyal po ma skyes dgra'i khab na gdugs tshod gsol zhing bzhugs so/ /sgyu
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo