| e-texts navigator |
| བོད་ཡིག |
25a1 d e bzhin gshegs pa'i phyir gnas kyi bkod pa byas pa 'di med par bya mi nus pa de bzhin du bzang po gang dag de bzhin gshegs pa la sems bskyed pa 'ga' tsam thob pa de dag gi sems bskyed pa
25a2 de yang med par mi 'gyur te/ de dag gi de ni yongs su mya ngan las 'das pa'i bar gyi rgyur 'gyur ro/ /de nas sgyu ma mkhan bzang po dga' mgu yi rangs te/ rab tu dga' zhing yid bde bar gyur nas de nyid kyi mtshan mo
25a3 'das pa dang / bcom ldan 'das la gdugs tshod la bab pa skul bar byed do/ /bcom ldan 'das gdugs tshod lags pa'i dus dang tshod la bab na da gdugs tshod la bab par dgongs su gsol zhes gsol to/ /de
25a4 nas bcom ldan 'das snga dro'i dus kyi tshe sham thabs mnabs/ chos gos gsol/ lhung bzed thogs te/ dge slong gi dge 'dun gyis yongs su bskor cing dge slong gi dge 'dun gyi dang la gshegs te/ rgyal
25a5 po'i khab kyi grong khyer chen por gshegs nas/ sgyu ma mkhan bzang po'i 'khor gyi khyams ga la ba der gshegs te/ gang gis na sgyu ma mkhan bzang po yang de bzhin gshegs pa ni bdag gis sprul pa'i bkod pa na
25a6 bzhugs so snyam du shes/ rgyal po chen po bzhi yang de bzhin gshegs pa ni bdag cag gis sprul pa'i bkod pa na bzhugs so snyam du shes/ lha rnams kyi dbang po brgya byin yang de bzhin gshegs pa ni bdag gis sprul
25a7 pa'i bkod pa na bzhugs so snyam du shes par 'gyur ba de lta bu'i rdzu 'phrul mngon par 'du mdzad pa mngon par 'du mdzad do/ /rgyal po'i khab kyi grong khyer chen po de na gzhan mu stegs can dang / spyod pa pa dang / kun du rgyu dang
25a8 bram ze dang / khyim bdag gang dag gis thos pa de dag ni ngo mtshar du gyur nas 'khor gyi khyams der dong ste/ de ring dge sbyong gau ta ma la mtho 'tsham pa blta bar bya'o snyam mo/ /rgyal po'i khab kyi grong khyer chen po de na dad
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo