rKTs

e-texts navigator

Volume

Page

24a₁ ro brgya dang ldan pa yang mngon par sprul to/ /rim gro byed pa gos dkar po bgos pa/ rgyan thams cad kyis brgyan pa lnga brgya yang mngon par sprul to/ /sgyu ma mkhan bzang pos bkod pa de lta bu sprul ma thag tu de nas
24a₂ de'i mod la rgyal po chen po bzhi lus chen por sprul nas sgyu ma mkhan bzang po'i 'khor gyi khyams gyi bkod pa ga la ba der song nas sgyu ma mkhan bzang po la 'di skad ces smras so/ /bzang po khyod kyis de bzhin gshegs pa sang gdugs tshod la spyan drangs pa dang / khyod kyis de bzhin gshegs pas yongs
24a₃ su longs spyad par bya ba'i 'khor gyi khyams kyi bkod pa 'di lta bu 'di mngon par sprul pa ni rnyed pa legs par rnyed do/ /bzang po gzhan yang kho bo cag kyang de bzhin gshegs pa la mchod pa bya ba'i las bya ba la bcom ldan
24a₄ 'das kyis yongs su longs spyad pa dang / khyod la bstang ba'i phyir 'khor gyi khyams kyi bkod pa 'di lta bu gnyis pa cung zhig ston par byed na kho bo cag la gnang bar gyis shig /da nas sgyu ma mkhan bzang po shin du ngo mtshar
24a₅ du gyur nas rgyal po chen po bzhi la gnang ba dang / de nas rgyal po chen po bzhis bcom ldan 'das kyis yongs su longs spyad par bya ba'i 'khor gyi khyams de lta bu zhig mngon par sprul to/ /de nas yang lha rnams kyi dbang po brgya
24a₆ byin lha'i bu sum khri dang lhan cig bzang po'i 'khor gyi khyams kyi bkod pa ga la ba der song nas sgyu ma mkhan bzang po la 'di skad ces smras so/ /bzang po khyod kyis de bzhin gshegs pa sang gdugs tshod la spyan
24a₇ drangs pa dang / de bzhin gshegs pas yongs su longs spyad par bya ba'i 'khor gyi khyams kyi bkod pa 'di lta bu 'di mngon par sprul pa ni rnyed pa legs par rnyed do/ /bzang po kho bo cag kyang / de bzhin gshegs
24a₈ pa la mchod pa'i las bya zhing bcom ldan 'das kyis yongs su longs spyad pa dang / khyod la bstang ba'i phyir 'khor gyi khyams kyi bkod pa 'di lta bu gnyis pa cung zhig ston par byed na kho bo cag la gnang bar gyis

_{iiif viewer powered by OpenSeadragon}

23b - 24b

Texts on this page