| e-texts navigator |
| བོད་ཡིག |
23b1 de ngo mtshar du gyur nas bcom ldan 'das kyi zhabs la mgo bos phyag 'tshal te dag 'thun par tshig tu smras pa/ bcom ldan 'das bdag cag gis rnyed pa legs par rnyed de/ ston pa 'di ltar rdzu 'phrul che ba/ 'di ltar dbang che
23b2 bar grags pa/ 'di ltar mthu che ba ni bdag cag gis rnyed pa legs par rnyed lags so/ /bcom ldan 'das gang dag de bzhin gshegs pa'i cho 'phrul 'di thos nas mos par bgyid cing mos par bgyis nas kyang bla na
23b3 med pa yang dag par rdzogs pa'i byang chub tu sems bskyed par bgyid pa de dag kyang rnyed pa legs par rnyed pa lags so/ /de nas sgyu ma mkhan bzang po rgyal po'i khab kyi grong khyer chen po ga la ba der song ste/ de nyid kyi
23b4 nub mo rgyal po'i khab kyi grong khyer chen po'i phyogs gang na grong khyer thams cad kyi btsog dgu dang / mi mthun pa thams cad 'bab pa dang 'byung ba'i sa phyogs der 'khor gyi khyams chen po dar gyi lda ldi dang / gdugs
23b5 dang / rgyal mtshan dang / ba dan bsgreng bas brgyan pa/ gzhi lag mthil ltar mnyam pa/ me tog bkram pa/ spos bzang po mchog gis bdugs pa/ steng du bla re bres pa zhig mngon par sprul to/ /
23b6 'khor gyi khyams de'i nang du yang rin po che'i shing ljon pa me tog dang 'bras bur bcas
23b7 pa brgyad stong mngon par sprul to/ /rin po che'i shing ljon pa thams cad kyi drung du yang seng ge'i khri ras bcos bu du mas g.yogs pa rin po che'i ba dan thams cad kyis brgyan pa mngon par sprul to/ /seng ge'i khri'i
23b8 g.yas g.yon du yang rin po che'i shing ljon pa me tog dang 'bras bur bcas pa bzhi bzhi mngon par sprul to/ /bcom ldan 'das dang dge slong gi dge 'dun gyis yongs su longs spyad par bya ba'i zhal zas
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo