| e-texts navigator |
| བོད་ཡིག |
22b1 bzang po'i sgyu ma ni phyogs gcig pa yin pas sgyu ma yang dag pa ma yin gyi/ de bzhin gshegs pa'i sgyu ma ni yang dag pa yin te/ des na chos thams cad sgyu ma lta bur mngon par rdzogs par sangs rgyas so/ /maud gal gyi bu
22b2 sems can gyi khams su gdags par 'dogs pa ji snyed pa de dag thams cad 'di lta ste/ sgyu ma mkhan bzang po'i sgyu ma 'di lta bu dang ldan par gyur kyang de dag thams cad kyis de bzhin gshegs pa'i sgyu ma la brgya'i char
22b3 yang nye bar mi 'gro/ stong gi char yang nye bar mi 'gro/ bye ba 'bum gyi char yang / grangs su yang / char yang / bgrang bar yang / dper yang nye bar mi 'gro'o/ /maud gal gyi bu 'di ji snyam du sems/ sgyu ma mkhan bzang
22b4 pos stong gsum gyi stong chen po'i 'jig rten gyi khams 'di rgyan thams cad kyis brgyan par kun du ston nus sam/ gsol pa/ ma lags so/ /bcom ldan 'das kyi bka' stsal pa/ de bzhin gshegs pa ni bzhed na
22b5 'jig rten gyi khams gang gA'i klung gi bye ma snyed brgyan cing de thams cad kyang skra'i rtse mo'i cha shas tsam la kun du ston par mdzad kyang / de bzhin gshegs pa'i sgyu ma ril kyis bstan par ni mi 'gyur ro/ /maud gal gyi bu phyogs
22b6 bcu na rlung gi dkyil 'khor gang dag yod pa 'di lta ste/ rlung gi dkyil 'khor rnam par 'thor byed ces bya ba dang / rlung gi dkyil 'khor yongs su gcod byed ces bya ba gang dag gis stong gsum gyi stong chen po'i 'jig rten gyi khams 'di
22b7 yongs su gcod par byed cing yongs su bcad nas kyang 'jig par byed pa dang / rlung gi dkyil 'khor kun du 'thor byed dang / rnam par 'thor byed ces bya ba 'jig rten gyi bar na rgyu ba gang dag yin pa dang / rlung gi dkyil 'khor kun
22b8 nas yongs su 'jog pa zhes bya ba srid pa'i rtse mo na rgyu ba gang dag yin pa dang / rlung gi dkyil 'khor rnam par 'jig pa zhes bya ba ri'i rgyal po ri rab kyang rnam par 'jig par byed na/ ri phal pa lta smos kyang ci dgos pa gang dag
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo